Low Emission Zones

Láglosunarsvæði

Á yfir 250 stöðum í 13 löndum Evrópu eru sérstök svæði með mengunartakmarkanir eða láglosunarsvæði (Low Emission Zone). Með þessum umhverfissvæðum er markmiðið að bæta loftgæði enda svæðin oftast í borgum eða bæjum. Á láglosunarsvæðum (LEZ) eru kröfur um sérstaka umhverfismiða sem líma þarf á áberandi stað í framrúðu bíls eða skrá bílnumer rafrænt. Það eru ekki neinar samhæfðar reglur innan Evrópska efnahagssvæðisins og er því hvert og eitt land með mismunandi límiða og reglur. Ef ökumaður fer án leyfis um gjaldsvæði eða er á ökutæki sem ekki má aka um ákveðið svæði vegna útblásturskrafna þá kemur sekt sem verður að greiða. Ef sektinni er ekki sinnt getur það kostað viðbótar kröfu um hátt vangreiðslugjald. Hægt er að draga úr kostnaði með því að forðast akstur í borgum þar sem krafist er greiðslu vegna aksturs um láglosunarsvæði.

Hér er LEZ síðan á vegum Evrópusambandsins

Hér er einföld yfirlitssíða yfir láglosunarsvæði í Evrópu

Low Emission Zones (LEZ) eða „Enviorment Zones“ er skilgreint svæði þar sem aðgangur mengandi ökutækja er takmarkaður eða hindraður.

Ultra-low-emission zone (ULEZ) er svæði þar sem eigendur ökutækja sem uppfylla ekki útblásturskröfur þurfa að greiða gjald til að fara inná LEZ svæði eða mega aðeins fara inná svæði á ákveðnum tímum. Í sumum tilvikum er akstursbann á meira mengandi bíla inná svæðið.

Zero-emission zone (ZEZ) er svæði þar sem aðeins ákveðin samgöngutæki mega fara inná svo sem hjól en í sumum tilvikum rafmagnsbílar.

Pollution Emergency er stundum sett á ákveðið svæði til að takmarka umferð þegar mengun er óvenju mikil. Þetta getur breyst dag frá degi og eru mismunandi kvaðir s.s. lækkun á hámarkshraða.

Ef þú ert að skipuleggja ferðalag á eigin bíl er mikilvægt að vita hvar þessi LEZ svæði eru og hvaða gerðir af bílum mega fara á svæðin. Sniðugt gæti verið að niðurhala appinu Green-Zones í símann til að hafa betri yfirsýn. Þar er að finna ýmsar upplýsingar s.s. hvað kostar, hvar er hægt að kaupa LEZ miða og kort yfir öll LEZ svæði. Hér undir eru hlekkir á niðurhal fyrir öpinn:

Android Iphone

ZBE Barcelona GPS – Apps on Google Play

Veggjöld og umhverfissvæði á vinsælum áfangastöðum:

Belgía: Skráð erlend ökutæki sem aka inn t.d. í Antwerpen, Brussel eða Gent verða að uppfylla útblásturskröfur. Skrá þarf ökutækið inn í sérstakan gagnagrunn án endurgjalds. Dísilbílar í Euro 4* útblástursflokki eða lægri greiða gjald
- Hér er LEZ síðan í Belgíu
Danmörk: Dísilknúnir bílar verða að uppfylla að minnsta kosti Euro 5* kröfur til að mega aka um umhverfissvæði í Kaupmannahöfn, Óðinsvéum, Árósum og Álaborg. Eftirlitið er rafrænt
- Hér er LEZ síðan í Danmörku
Frakkland: Nokkrar borgir hafa innleitt sérstök umhverfissvæði, Zones à circulación restreinte. Umhverfisvæðin eru kölluð ZFE eða ZCR Til að aka um umhverfissvæði þarf að festa límmiða – Vignette Crit´Air – á framrúðuna. Á nokkrum svæðum eru tímabundin, veðurháð umhverfissvæði, zone de protection de l´air, sem hægt er að virkja frá einum degi til annars
- Hér er LEZ síðan í Frakklandi
Ítalía: Bannskiltið Zona Traffico Limitato má sjá í mörgum ítölskum borgum. Sá sem brýtur gegn banninu verður ljósmyndaður og sektin send heim til viðkomandi innan Evrópu. Ef ekið er fram hjá ZTL-skiltinu nokkrum sinnum kemur ný sekt í hvert skipti. Aðal láglosunarsvæðið sem krefst límmiða eru í Bolzano-héraði á Ítalíu. Zona a Traffico Limitato er ekki LEZ heldur er það bannsvæði bíla
- - Hér er „LEZ“ síðan í Ítalíu
Holland: Umhverfissvæði (Milieuzonen) á við um dísilbíla og þyngri ökutæki sem þurfa að uppfilla Euro 4. Eftirlit er með sjálfvirkum vegmyndavélum.
- Hér er LEZ síðan í Nederland
Noregur: Umhverfisgjaldakerfi er aðalega í stórborgum eins og Ósló, Bergen og Þrándheimum. Þar eru gjöld fyrir ökutæki með mikla losun
- Hér er LEZ síðan í Osló
Portúgal: Takmarkandi umferðarsvæði á aðalega við um eldri ökutæki
- Hér er LEZ síðan í Lissabon
Spánn og Katalónía: Stærri borgir hafa innleitt láglosunarsvæði sem krefjast losunarmiða – Distintivo Ambiental – á bílinn. Svæðin eru í fjórum stigum, þar sem hæsta stigið leyfir aðeins rafbíla. Erlend ökutæki geta ekki fengið spænsku umhverfismiðana. Umhverfislímmiðar frá Þýskalandi og Frakklandi eru samþykktir
- Hér er LEZ síðan í Barcelona
Þýskaland: Um sjötíu þýskar borgir hafa innleitt umhverfissvæðin Umweltzonen og fer fjölgandi. Til að aka um umhverfissvæði þarf að setja límmiða – Feinstaubplakette – á framrúðuna. Þetta á einnig við um rafbíla. Hægt er að kaupa LEZ miða í Þýskalandi á öllum TUV Skoðunarstöðvum gegn framvísun skráningarskírteinis bílsins
- Hér er LEZ síðan í Þýskalandi
Portúgal er aðalega með reglur um eldri bifreiðar og er stærsta svæðið er í Lissabon
- Hér er LEZ síðan í Lissabon
Austurríki: Umweltzonen í Austuríki takmarka fyrst og fremst vörubíla og þungaflutningabíla
Búlgaría: LEZ takmarkanir eru aðalega á veturna
- Hér er LEZ síðan í Búlgaríu
Pólland er bæði í Kraká og Varsjá og mega aðalega aðeins rafmagnsbílar aka þar um
- Hér er LEZ síðan í Póllandi
England: Kaupa þarf límmiða með góðum fyrirvara fyrir komu
- Hér er LEZ/ULEZ síðan í London