Aukið aðgengi að hleðslustöðvum

Nú geta hótel, gisti- og veitingastaðir hringinn í kringum landið fengið hleðslustöðvar í áskrift frá Orku náttúrunnar.

Gestir og viðskiptavinir hótela og gisti- og veitingastaða sem eru í þessari nýju þjónustuleið ON geta þannig nýtt sér hleðslustöðvarnar á meðan þeir dvelja á staðnum. Þeir greiða fyrir notkunina með einfaldri greiðslulausn ON með lykli eða appinu og styðja þannig við orkuskipti í ferðaþjónustunni.

Hótel Örk var fyrsta fyrirtækið til að koma inn í þessa nýju þjónustuleið en nýlega voru settar upp hleðslustöðvar á bílaplani hótelsins sem gestir geta nýtt sér. Um er að ræða þrjár 22KW stöðvar, eitt tengi á hverjum staur en pláss er fyrir sex hleðslustöðvar.