Fréttir

Íslendingar eru framarlega á sviði rafbílavæðingar og eru þar í öðru sæti á heimsvísu á eftir Norðmönnum. Hreinorkubílar erum um 3,9% af fólksbílafjölda í heild sinni á Íslandi en heildarfjöldi bíla hér á landi er um 227 þúsund.

Kristján Daði Valgeirsson hefur frá 2013 annast FÍB-aðstoð á Suðurnesjum. Kristján er öllum hnútum kunnur í störfum sem lúta að björgun og aðstoð almennt við bifreiðaeigendur. Hann hefur alls starfað í 15 ár á þessum vettvangi og það hafi síðan verið skemmtileg viðbót þegar hann gekk til starfa fyrir FÍB á svæðinu fyrir fimm árum. Kristjáni til halds og traust í starfinu er Eiríkur Kristinn sonur hans.

Ágreiningur um uppgjör vegna gerðar Vaðlaheiðarganga er kominn upp á milli verkkaupans, Vaðlaheiðarganga hf., og verktakans, Ósafls hf. Dótturfélags ÍAV. Ósafl gerir kröfur um þriggja milljarða kröfur á Vaðlaheiðargöng samkvæmt umfjöllun í Morgunblaðinu um málið. Samkvæmt heimildum blaðsins er líkur taldar á að Vaðlaheiðargöng hf. geri gagnkröfur á Ósafl vegna tafa á verklokum.

Eftirspurnin eftir nýja Nissan Leaf bílnum er mun meiri en bjartsýnustu menn þorðu að vona. Hér á landi er biðin 6-7 mánuðir en ný útgáfa af Nissan Leaf, með nýju útliti og stærri rafhlöðu, var kynnt í apríl síðastliðnum og voru hundruð forpantana gerðar hér á landi.

Skýrsla stjórnvalda um „Skatta á ökutæki og eldsneyti 2020 – 2025“ er komin út. Þar er verið að leggja til að frá og með 1. september og til áramóta 2018/2019 verði notast við gamla útblástursgildið NEDC en fyrir bíla sem einungis munu hafa nýja gildið, WLTP, verði það lækkað um 17,36% í mótvægisaðgerðum. Þetta er m.a sem kemur fram í umfjöllun Bílgreinasambandsins um málið.

Spölur tapaði um 1,8 milljörðum eftir skatta á fyrri helmingi yfirstandandi árs en hagnaðist á sama tímabili í fyrra um liðlega 307 milljónir króna. Afskriftir jukust á sama tíma um nær 2,7 milljarða króna, sem tengist því að Spölur afhendir ríkinu Hvalfjarðargöng síðar á árinu 2018. Þetta kemur fram í árshlutauppgjöri sem félagið birti í Kauphöll Íslands í dag.

Neytendastofu hefur borist tilkynning frá BL ehf að innkalla þurfi 15 Nissan Juke bifreiðar og 2 Nissan NV200 sem framleiddar voru 2017. Í ljós hefur komið að mögulegur galli í kveikjusviss gæti valdið því að bifreiðin gæti drepið á sér í akstri.

Töluverð umræða hefur verið í gangi um nokkurt skeið vegna aukinnar loftmengunar frá bílum og hefur í því sambandi komið til greina að banna notkun bensín- og dísilbifreiða frá árinu 2040. Borgaryfirvöld víða um Evrópu ætla að taka á þessum vanda en loftmengun hefur aukist til muna í stærstu borgum Evrópu. Um 30 þúsund manns láta lífið á hverju ári í Bretlandi svo að rekja megi til útblásturs frá bílum.

Orka náttúrunnar hefur framleitt skýli í samvinnu við Merkingu sem sett verða upp á næstunni við hraðhleðslur ON hringinn í kringum landið. Markmiðið með skýlunum er að bæta aðstöðu viðskiptavina, verja þá og hleðsluna fyrir veðri og vindum sem og auðvelda starfsmönnum sem sinna hefðbundnu viðhaldi.

Nýr Kia Ceed var kynntur til leiks á bílasýningunni í Genf í vor og hefur hans verið beðið með mikilli eftirvæntingu. Þetta er þriðja kynslóð Kia Ceed en þessi vinsæli hlaðbakur kemur nú í talsvert breyttri mynd. Hann hefur fengið nýtt útlit að innan sem utan og þá hefur ýmsum tækninýjungum verið bætt við bílinn sem gera hann enn betri í akstri og öruggari.