Fréttir

Neytendastofu hefur borist tilkynning frá bílaumboðinu Askja ehf um innköllun á 31 Mercedes Benz Actros 963, Antos 963, Arocs 964, Atego 967 og Econic 956 bifreiðum.

Vísitala neysluverðs hefur hækkað um 1,9% síðastliðna tólf mánuði. Vísitala neysluverðs hækkaði um 0,5% frá fyrra mánuði. Þetta er heldur meiri hækkun vísitölunnar en spáð hafði verið en þar var gert ráð fyrir 0,3% hækkun.

Ford Fiesta var söluhæsti bíllinn í Evrópu í mars en það er sænska bílablaðið Vi Bilägare sem segir frá þessu. Það var hin vegar fyrirtækið Jato sem tók þessa tölfræði saman. Volkswagen Golf hefur verið söluhæsti bílinn í Evrópu sjö ár í röð en síðast var Ford Fiesta í toppsætinu í mars 2010.

Vortilboð Hertz til félagsmanna FíB hljóðar uppá 20% afslátt á bókunartímabilinu 24. apríl til 8. maí 2017 fyrir bókanir sóttar fyrir 30. júní 2017

Um helgina efnir Toyota til stórsýningar í tengslum við áfanga í apríl þegar náðist að 50.000 bílar frá Toyota og Lexus eru í umferð á Íslandi. Vegna tímamótanna verða sýningar næstkomandi laugardag, 29. apríl kl. 12.00-16.00 hjá viðurkenndum söluaðilum Toyota í Kauptúni, í Reykjanesbæ, á Akureyri og Selfossi auk þess sem Lexus verður með sýningu í nýjum sýningarsal í Kauptúni.

Flest slys með meiðslum eiga sér stað á Hellisheiði og í öðru sæti er Reykjanesbrautin á milli Vatnsleysustrandarvegar og Grindarvíkurvegar.

Neytendastofu hefur borist tilkynning frá Toyota á Íslandi um innköllun á 296 Land Cruiser 150 bifreiðum, framleiðslutímabil 2015-2016. Ástæða innköllunarinnar er vegna hugsanlegrar bilunar í mengunarvarnarbúnaði.

Um miðjan maí verður athöfn í Arnarfirði þar sem fyrsta skóflustunga ganganna verður tekin að viðstöddum samgöngu- og sveitarstjórnarráðherra, vegamálastjóra, sveitarstjórnarmönnum og alþingismönnum og verður hún jafnframt opin almenningi. Fyrsta skóflustungan fer fram við gangamunnann í Arnarfirði og jafnframt verður dagskrá á Hrafnseyri þar sem flutt verða stutt erindi um vegagerð á Vestfjörðum og fleira auk þess sem boðnar verða kaffiveitingar.

Rafbílaeigendur komu saman á Sumardaginn fyrsta og tóku þátt í hópakstri frá Hyundai umboðinu í Kauptúni að höfuðstöðvum ON á Bæjarhálsi. Á þriðja tug rafbíla óku í bílalest frá Garðabænum upp í Árbæ. Við höfuðstöðvar ON var rafbílaeigendunum boðið í léttar veitingar og Bjarni Már Júlíusson, framkvæmdarstjóri ON, hélt stuttan fyrirlestur um rafbílavæðinguna og næstu skref ON varðandi hana.

Á alþjóðlegu bílaverðlaunahátíðinni World Car Award 2017 (WCA) sem fram fór í New York fyrr í mánuðinum hreppti sportjeppinn Jaguar F-Pace tvenn mikilvæg verðlaun því bæði kaus 75 manna dómnefnd tuttugu og fjögurra landa F-Pace bíl ársins; 2017 World Car of the Year, og best hannaða bílinn á árinu; World Car Design of the Year. Opinberlega er P-Face því bæði besti og fallegastasti bíllinn á markaðnum í dag!