Dakar rallið á lokasprettinum

Eftir áfanga gærdagsins í Dakarrallinu rýrnuðu sigurlíkur Spánverjans og sigurvegarans í fyrra, Carlos Sainz, enn frekar. Hann villtist tvisvar, það sprakk hjá honum, gírkassinn bilaði og hann festi bílinn. Liðsfélagi hans hjá Volkswagen, Nasser Al Attiyah, er nú fremstur í keppninni með 12 og hálfrar mínútu forskot á Sainz.

„Þetta var sannarlega ekki góður dagur“ sagði Sainz við fréttamann Eurosport sjónvarpsstöðvarinnar í gærkvöldi.  En keppninni væri enn ekki lokið og hann myndi gera sitt besta og reyna að saxa á forskot Al Attiyah. En það eru síðustu forvöð fyrir hann, því að keppninni lýkur á sunnudag. Sigurlíkur Peterhansels, þess manns sem oftast hefur sigrað í Dakar rallinu eru mjög litlar orðnar. Forskot Al Attiyah á Peterhansel er nú ein og hálf klst.

Röð tíu efstu manna í bílaflokki Dakar Rallsins er nú þessi: