English
Eldsneytishækkun dregin til baka
25.01.2006
Olíufélagið Esso lækkaði verðið á bensíni og dísilolíu í dag um sömu krónutölu og félagið hækkaði liðinn mánudag. Hin stóru olíufélögin Olís og Shell hækkuðu einnig í kjölfar Esso. Sjálfsafgreiðsludeildir Esso og Olís, Ego og ÓB hækkuðu einnig en sjálfsafgreiðslufyrirtæki Shell, Orkan var ekki búið að hækka - vafalítið vegna þess að Atlantsolía breytti ekki sínum verðum. Svo virðist sem gömlu samráðsfyrirtækin hiksti á því að keppa á markaði en Atlantsolía veitir þeim aðhald, neytendum til góða.
FÍB hefur að undanförnu vakið athygli á hækkandi bensínálagningu. Í frétt hér fyrir neðan var hækkunin á mánudaginn harðlega gagnrýnd. Verðlækkun Esso er staðfesting á rökstuddri gagnrýni félagsins.
Gerast Félagi
Eldsneytisvaktin
