Fögnum ákvörðuninni að vinna frumvarpið betur

Ekk­ert verður af því að frum­varp til laga um kíló­metra­gjald af öku­tækj­um verði að lög­um fyr­ir ára­mót eins og stefnt hafði verið að. Þetta kem­ur fram í nefndaráliti meiri­hluta efna­hags- og viðskipta­nefnd­ar um breyt­ingu á ýms­um lög­um vegna fjár­laga fyr­ir árið. Þörf sé á frekari greiningu á áhrifum frumvarpsins og auknu samráði.

Frumvarpið var lagt fram til vega upp tekjutapi ríkisins vegna rafvæðingar bílaflota landsmanna. Félag íslenskra bifreiðaeigenda, FÍB, gangnrýndi frumvarpið meðan það var til uppfjöllunar á Alþingi.

Seg­ir í áliti meiri­hluta nefnd­ar­inn­ar að rétt sé að hækka önn­ur gjöld í sam­ræmi við verðbólgu­mark­mið Seðlabank­ans í þessu ljósi. Rík­is­stjórn­in hef­ur lagt á það áherslu að málið færi í gegn fyr­ir þinglok en nú virðist útséð um það.

Ná sáttum við þær aðferðir sem verða notaðar til að leggja kílómetragjald á ökutæki

,,Við fögnum því að það sé ákveðið að vinna þetta frumvarp betur þó að við þurfum að bíða í eitt ár. Það er mikilvægt að ná sáttum við þær aðferðir sem verða notaðar til að leggja kílómetragjald á ökutæki. Það er afar mikilvægt að vinna þetta mál betur og gera það þannig úr garði að sem flestir aðilar séu sáttir, uni vel við, og meðtaki breytingarnar. Þetta hefði annars farið í ósátt margra aðila og það er ekki gott að hefja svona miklar breytingar á skattaumhverfinu með þeim hætti,“ segir Runólfur Ólafsson framkvæmdastjóri FÍB.

Í áliti meirihluta efnahags- og viðskiptanefndar segir að þar sem ekki er áformað að frum­varp til laga um kíló­metra­gjald af öku­tækj­um verði að lög­um fyr­ir ára­mót legg­ur meiri hlut­inn til að kol­efn­is­gjald, ol­íu­gjald, al­mennt og sér­stakt kíló­metra­gjald og al­mennt og sér­stakt bens­íngjald hækki um 2,5% í sam­ræmi við verðbólgu­mark­mið Seðlabanka Íslands.