Öryggisbelti virka ekki sem skildi í Polo

Fram er kominn galli í öryggisbeltum í nýjustu gerð Volkswagen Polo og ætla framleiðendur bílanna að innkalla þessa gerð á næstunni. Forsvarsmenn Volkswagen  segjast alltaf setja öryggið á oddinn og harma þennan galla sem fram er kominn.

Það var finnska blaðið Maailma sem komst að þessum galla í sjálfstæðri könnun sem blaðið framkvæmdi fyrir stuttu. Fram kom galli í bílbelti í vinstra aftursæti en beltið virtist losna helst þegar  Polo-bíllin skipti um akreinar á miklum hraða.

Umræddur galli hefur enn fremur komið fram í Seat Arona og Seat Ibiza. Rannsókn á gallanum er þegar hafin og útiloka rannsakendur ekki að sami galli kunni að leynast í öðrum tegundum frá Volkswagen.