Hætta að sekta fyrir notkun nagla­dekkja

Lögreglan á Suðurlandi vill taka fram að hún er ekki að sekta ökumenn bifreiða, sem eru komnar á nagladekk, þótt slík dekk séu almennt aðeins leyfð frá 1. nóvember til 15. apríl.

Veturinn er hins vegar byrjaður að gera vart við sig og hitastig oft á tíðum undir frostmarki á nóttunni og viðbúið að frost og hálka séu byrjuð að láta á sér kræla þetta árið.

Lögreglan hefur fengið mikið af fyrirspurnum um nagladekk frá ökumönnum og því er það undirstrikað að ökumenn bifreiða, sem eru búnar nagladekkjum, eiga ekki sekt yfir höfði sér.

Ökumenn ekki heldur sektaðir fyrir notkun nagladekkja á höfuðborgarsvæðinu

Á Facebooksíðu lögreglunnar á höfuðborgarsvæðinu kemur fram að öku­menn verði ekki sektaðir fyr­ir notk­un nagla­dekkja, enda vetr­ar­færð í borg­inni.

„Þess ber þó að geta að þótt það sé hálka í dag er ekki endi­lega hálka á morg­un og því betra að seinka notk­un nagla­dekkja eins og hægt er - eða nota önn­ur og um­hverf­i­s­vænni dekk,“ seg­ir á face­booksíðu lög­regl­unn­ar. Í færsl­unni er bætt við að hálk­an í morg­un og snjór á aðliggj­andi heiðum þýði að eðli­legt sé að hefja notk­un nagla­dekkja."