Hráolía fellur í verði við fall Zarqawi

Hráolíuverðið tifar í takt við fréttir af ástandinu í Mið-Austurlöndum.  Fréttin í morgun um dauða Abu Musab al-Zarqawi leiðtoga al-Qaeda í Írak hafði strax áhrif á heimsmarkaðsverð á hráolíu.  Á Brent markaðnum lækkaði olíutunnan um 0.81 USD,  niður í 68.38 USD sem er það lægsta í 3 vikur.
Óvissa er um framhaldið og spurning hvort hótanir al-Qaeda um hefndaraðgerðir hafi áhrif til hækkunar á nýjan leik.  Olíumarkaðir eru einnig mjög viðkvæmir varðandi allar fréttir af gangi mála í Íran.
Þrátt fyrir lækkun á hráolíunni þá er verðið mjög hátt og sama á við um unnar olíuvörur eins og bensín og dísilolíu.  

Abu Musab al-Zarqawi leiðtogi al-Qaeda í Írak