Hvaða bíll fer lengst á tanknum

Það er dýrt að fylla eldsneytisgeyminn á bílnum og sumarleyfistíminn framundan. Af því tilefni hefur sænskur bílavefmiðill, Facit, tekið saman lista yfir þá bíla sem lengst komast á fullum tanknum.

Í sænskri könnun á því hvað fólk hyggst gera í sumarleyfinu svöruðu 44 prósent aðspurðra því að þeir ætluðu í ferðalag á heimilisbílnum. Fyrir þá og svosem okkur hin líka er því ekki ónýtt að vita hvaða bílar það eru sem lengst komast á tankfyllingunni.

Langflestir þeirra sem hyggjast fara í fríið á bílnum segjast velja bílinn vegna þess hversu  óbundinn maður er og ferðalagið verður sveigjanlegt. Ef veðrið er slæmt, má alltaf keyra í burt frá því og finna betra veður annarsstaðar. Þá er hægt að komast á bílnum til staða sem ekki eru í alfaraleiðum almenningsfarartækja.   

Bílferjuútgerðin Stena Line hefur kannað meðal sænskra viðskiptavina sinna hvert þeir stefni í sumarleyfinu. Efst á lista Svíanna eru París og Róm og þar á eftir koma Barcelona og Amsterdam.

Hér fyrir neðan er listi Facit yfir þá bíla sem lengst komast á fullum tanki. Með því að smella á nafn hvers bíls færðu nánari upplýsingar um hann.