Hyundai IONIC vann til þrennra viðurkenninga

Rafbíllinn Hyundai IONIQ 5 vann til þrennra viðurkenninga á verðlaunahátíðinni World Car Awards 2022 sem fram fór á alþjóðlegu bílasýningunni í New York (NYIAS) í síðustu viku. Hyundai IONIC 5 var allt í senn kjörinn „Heimsbíll ársins 2022“, „Rafbíll ársins“ og „Hönnun ársins“. 

Hyundai Ioniq 5 hefur mikið hjólhaf og flatt gólf til að auka þægindi og aðgengi farþega, ekki síst í aftursætum, sem hægt er að færa fram um 20 sentimetra til að auka farangursrýmið. Farangursrýmið er 527 lítrar og stækkanlegt í 1.587 lítra með niðurfelld sætisbök.

Á framsætum má svo halla bökum þannig að setan lyftist upp svo úr verður hægindastóll vilji ökumaður gera hlé á akstri og hvíla sig. Þá er rafhlöðukerfi bílsins heil 800 Volt sem gerir mögulegt að tengja bílinn við 220 kW hraðhleðslustöð og hlaða bílinn á aðeins átján mínútum úr 10% í 80% svo fáeinir kostir Ioniq 5 séu nefndir sem ásamt fleiri atriðum áttu sinn þátt í niðurstöðu dómnendar World Car Awards sem samanstóð af 102 bílablaðamönnum frá 33 löndum.

Hyundai Ioniq 5 kom á markað 2021 og hefur síðan þá unnið til fjölda viðurkenninga, þar á meðal sem bíll ársins í Þýskalandi og Bretlandi. Ioniq 5 er af nýrri kynslóð rafbíla á nýjum og háþróuðum undirvagni Hundai Group, sem hyggst kynna sautján nýja rafbíla fyrir árið 2030.

Rafbíllinn Hyundai IONIQ 5 vann til þrennra viðurkenninga á verðlaunahátíðinni World Car Awards 2022 sem fram fór á alþjóðlegu bílasýningunni í New York (NYIAS) í síðustu viku. Hyundai IONIC 5 var allt í senn kjörinn „Heimsbíll ársins 2022“, „Rafbíll ársins“ og „Hönnun ársins“. 

Hyundai Ioniq 5 hefur mikið hjólhaf og flatt gólf til að auka þægindi og aðgengi farþega, ekki síst í aftursætum, sem hægt er að færa fram um 20 sentimetra til að auka farangursrýmið. Farangursrýmið er 527 lítrar og stækkanlegt í 1.587 lítra með niðurfelld sætisbök.

Á framsætum má svo halla bökum þannig að setan lyftist upp svo úr verður hægindastóll vilji ökumaður gera hlé á akstri og hvíla sig. Þá er rafhlöðukerfi bílsins heil 800 Volt sem gerir mögulegt að tengja bílinn við 220 kW hraðhleðslustöð og hlaða bílinn á aðeins átján mínútum úr 10% í 80% svo fáeinir kostir Ioniq 5 séu nefndir sem ásamt fleiri atriðum áttu sinn þátt í niðurstöðu dómnendar World Car Awards sem samanstóð af 102 bílablaðamönnum frá 33 löndum.

Hyundai Ioniq 5 kom á markað 2021 og hefur síðan þá unnið til fjölda viðurkenninga, þar á meðal sem bíll ársins í Þýskalandi og Bretlandi. Ioniq 5 er af nýrri kynslóð rafbíla á nýjum og háþróuðum undirvagni Hundai Group, sem hyggst kynna sautján nýja rafbíla fyrir árið 2030.