Ísland og áhrif rafbíla á loftslagsbreytingar

ON hefur sett sér það markmið að vera leiðandi í umhverfisvænni orkuframleiðslu og styðja við orkuskiptin í samgöngum. Liður í þeirri viðleitni var gerð skýrslu um mat á þeim áhrifum sem rafbílar hafa á umhverfið.

Miðvikudaginn 3. júlí kl. 8:30 – 9:45 verður morgunfundur þar sem við kynnum niðurstöður tímamótaskýrslu sem svarar helstu spurningum um orkuskiptin sem gætu varpað ljósi á margt það sem fólk er að velta fyrir sér í þessum efnum.

Skýrslan var unnin af starfsfólki okkar, þeim Kevin Dillman umhverfisverkfræðingi og Dagnýju Hauksdóttur, doktor í iðnaðarverkfræði sem einnig er menntuð í lífsferilsgreiningu og mati á umhverfisáhrifum. Eftir fundinn verður skýrslan gerð opinber.

Fundurinn fer fram í húsakynnum ON að Bæjarhálsi 1, Reykjavík og opnar húsið klukkan 8 með léttri morgunhressingu.

Skráning hér