Metár í bílasölu í Noregi

Toyota Avensis, sá vinsælasti í Noregi 2007.

Síðasta ár var gott söluár hjá norskum bílaumboðum.  Þar í landi voru seldir 129.195 nýir fólksbílar og er það 20 ára met.  Það er athyglisvert að 74,3% af þessum nýskráðu bílum í Noregi eru dísilbílar.

Toyota er mest seldi fólksbíllinn í Noregi með 16% af markaðnum.  Mest selda Toyotan er af gerðinni Avensis.  Sá bíll var í þriðja sæti á eftir VW Passat og VW Golf.  

Næst söluhæsta tegundin er  Volkswagen með 15,2% markaðshlutdeild.  Ford  er í þriðja sæti með 6,8%, þá Volvo með 6,6% og Peugeot er í fimmta sæti með 5,8% hlut.

Til samanburðar þá var Toyota mest selda tegundin á Íslandi með 23% markaðshlutdeild, Volkswagen í öðru sæti með 7,9%, þá Honda með 6,4%, Skoda með 6,1% og Subaru í fimmta sæti með 5,6% hlutdeild.