N1 og Shell hækka bensín og dísilolíu

Olíufélögin N1 og Skeljungur hækkuðu í dag verð á bensíni um 1,70 krónur á lítra og dísilolíu um 1,50 krónur á lítra.  Eftir þessa hækkun er algengasta verð á bensínlítra  í sjálfsafgreiðslu hjá þessum félögum 124,60 krónur og dísilolíu 124,30 krónur.

Þessa hækkun er ekki hægt að rökstyðja með tilvísun í hækkun á heimsmarkaði eða neikvæðrar gengisþróunar íslensku krónunnar.  Krónan er mjög sterk gagnvart bandaríkjadal þrátt fyrir 2% lækkun í kjölfar svartrar skýrslu Hafrannsóknarstofnunar.  Kostnaðarverð hvers lítra af bensíni á heimsmarkaði  það sem af er júni  er ríflega krónu lægra en meðalverðið var í maí.  Álagning oliufélaganna af dísiloliu með olíugjaldi hefur aldrei verið hærri en í dag. 

Eina skýringin á þessari hækkun hjá N1 og Shell er sú að verið er að hækka álagningu á eldsneyti  í byrjun sumarleyfistímans - þegar hinn almenni bíleigandi ekur að jafnaði lengri vegalengdir.