Nissan þróar nýja gerð af hvarfakút

Nissan hefur þróað nýja gerð af hvarfakút (katalysator) fyrir bensínvélar.  Samkvæmt fréttum mun hvarfakúturinn aðeins þurfa helminginn af þeim eðalmálmum sem notaðir eru í hvarfakútum á markaðnum í dag.  Efnahvörf í hvarfakútum breyta skaðlegum útblástursefnum í óskaðleg efni og vatn.  Til að virkja þessi efnahvörf þarf palladín, platínu og ródín oxunarhvata.  Bílaiðnaðurinn hefur á liðnum árum verið aðal kaupandi málma úr platínuflokknum í veröldinni.  Hvarfakútar eru dýrir í framleiðslu og mikil notkun platínu oxunahvata vegur þar þungt.  Þróun og vinna við nýja hvarfakútinn er samstarfsverkefni Nissan og Renault.  Hvarfakúturinn er nánast eins í útliti og endingu og þeir sem nú eru notkun en sparar helminginn af dýru eðalmálmunum.Nissan segir að hvarfakúturinn verði kynntur snemma á næsta ári.