Rafbílar verði með vélarhljóð á ákveðnum hraða

Fjölmargar reglugerðir Evrópusambandsins tóku gildi í dag og lítur ein þeirra að rafbílum. Samkvæmt reglugerðinni verða rafbílar þegar þeim er ekið á undir 19 km/klst. að gefa frá bílahljóð sem við flest þekkjum. Nú verður sérstökum búnaði komið fyrir í nýjum rafbílum sem fer í gang á umræddum hraða sem að framan greinir.

Tilgangur reglugerðarinnar er auðvelda gang­andi veg­far­end­um að heyra í raf­bíl­um í um­ferðinni. Hagsmunasamtök blindra og sjónskertra víða um Evrópu hafa ennfremur lengi lýst yfir áhyggjum á þessum hljóðlátum faratækjum sem rafbílarnir eru og þá sérstaklega í hægum akstri og eins þegar þeim er bakkað.

Hagsmunasamtökin fagna því þessari nýju reglugerð sem þau segja stórt skref í rétta átt. Þau vilja engu að síður ganga enn lengra í þessum efnum.

Þótt umræddum tækjabúnaði sé komið fyrir í rafbílum hafa ökumenn val um að hafa hann í gangi. Í reglugerðinni eru þó ökumenn hvattir til að hafa hann í gangi alla jafnan því það bætir öryggið hjá sjónskertum og gangandi vegfarendur.