Ríkisábyrgðasjóður taldi óvíst að tekjur af brúartollum dygðu

Ríkisábyrgðasjóður taldi óvíst að tekjur af brúartollum yfir nýju Ölfusárbrúna dygðu fyrir kostnaði ríkisins af framkvæmdinni. Því var engin furða þó verktakar vildu ekki taka á sig þá áhættu í svokölluðu samvinnuverkefni.

Fyrir vikið þurfti að setja inn í fjáraukalög heimild fyrir ríkið til að koma til bjargar. Þetta var eina færa leiðin til að hægt yrði að ráðast í gerð nýju brúarinnar.

Í fjáraukalögum er heimild til að láta allt af 50% af kostnaðinum lenda á skattgreiðendum, þó vonast sé til að gjaldtakan dugi fyrir honum öllum.

Á fréttavef FÍB er fjallað um fjárhagslega þætti nýju Ölfusárbrúarinnar og spáð í hvað brúartollurinn þurfi að vera hár til að standa undir kostnaðinum.