Nýskráningar um 20% færri miðað við árið á undan

Nú liggur fyrir sala á bifreiðum fyrir árið 2020. Nýskráningar voru alls 9.369 og nemur samdrátturinn um 20% í samaborið við tölur frá árinu áður. Árið 2019 voru nýkráningar alls 11.728.

Þegar er rýnt er betur í tölur frá Bílgreinasambandinu kemur í ljós að nýskráningar voru fleiri í fimm mánuðum ársins í samaburði við fyrra ár. Nýskráningar voru fæstar í maí en fletar í júlí. Sam­drátt­ur­inn á fyrri hluta árs­ins 2020 var 42,5% miðað við sama tíma­bil 2019 en hins veg­ar 16,7% sölu­aukn­ing á seinni hluta árs­ins.

Ein­stak­ling­ar keyptu 7,1% fleiri fólks­bíla en árið 2019 og al­menn fyr­ir­tæki keyptu sömu­leiðis 7,1% fleiri fólks­bíla. Bíla­leig­ur drógu hins veg­ar úr kaup­um um 57,4% á milli ára og því ljóst að heild­ar­sam­drátt­inn má fyrst og fremst rekja til minni um­svifa í ferðaþjón­ust­unni, sem á sér aug­ljós­ar skýr­ing­ar.

Mikil aukning var í nýskráningum nýorku­bíla (raf­magn, ten­gilt­vinn, hybrid og met­an) Sam­tals stóð þessi hóp­ur bíla fyr­ir 57,9% ný­skrán­inga en til sam­an­b­urðar var hlut­fallið 27,6% árið 2019. Hrein­ir raf­magns­bíl­ar fóru þarna fremst­ir í flokki með 25,2% af öll­um ný­skrán­ing­um. Þar næst komu ten­gilt­vinn­bíl­ar með 19,9%, hybrid bíl­ar með 12,5% og met­an­bíl­ar með 0,4%.

Mest selda fólks­bíla­teg­und­in á ár­inu var Toyota með 1.383 bíla og 14,8% hlut­deild, þar á eft­ir kom Kia með 929 bíla og 9,9% hlut­deild og svo Tesla með 903 bíla og 9,6% hlut­deild. Hyundai var í fjórða sætinu með 698 bíla og Volkswagen í fimmta sæti með 617 bíla. Í sætunum þar á eftir komu Mitsbubishi, Suzuki, Nissan og Volvo.

Óvissan fyrir árið 2021 er tiltölulega mikil þegar kemur að því að spá fyrir um sölu. Mun það velta á mörgum þáttum og má þar helst nefna hvernig gengur í baráttunni við Covid, hvort rætist úr atvinnu- og efnahagsmálum og hvort ferðaþjónustan taki við sér að ráði og hefji á ný að fjárfesta í bílaleigubílum.

Spá Bílgreinasambandsins gerir ráð fyrir að það seljist 11.000 nýir fólksbílar á árinu 2021. Það mun þá þýða 17,4% söluaukningu frá árinu 2020 en ljóst er að ýmislegt þarf að ganga eftir á árinu til að svo megi verða.