Sektir fyrir að aka á drullugum bílum

Nú er tekið að vora í Moskvu og frost að fara úr jörðu. Mikil leðja og óhreinindi eru víða á vegum og götum í og umhverfis Moskvuborg sem bílarnir ausa upp á sig. Lögreglan í Moskvu hefur því gripið til þess ráðs að sekta þá ökumenn sem aka um á svo óhreinum bílum að útsýn úr þeim er takmörkuð og hvorki grillir í númeraplötur eða ljós. Sektir fyrir ósýnileg númer eru innheimtar á staðnum og algengar upphæðir eru í kring um 100 ísl. krónur.

Undanfarin ár hefur Moskvulögreglan farið í sérstakt átak gegn drullugum bílum í aprílmánuði. Í apríl í fyrra náði hún að sekta 80 þúsund ökumenn og ná inn 3,2 milljónum rúblna í sektargreiðslum. Það er um 70 krónur á hvern ökumann að meðaltali.

Fréttastofan Itar-Tass segir að aðstæður í Moskvuborg og gatnakerfið sé einfaldlega í þannig ástandi um þetta leyti árs að nánast ómögulegt sé að halda bílum bíl hreinum stundinni lengur, nema þá helst með því að nota þá bara alls ekki.