Sjö ára fangelsisdómur fyrir aðild í dísilhneykslinu

Dómstóll í Detroit í Bandaríkjunum dæmdi í vikunni Þjóðverjann Oliver Schmidt og fyrrverandi framkvæmdastjóra Volkswagen í Bandaríkjunum í sjö ára fangelsi fyrir aðild sína í dísilhneykslinu sem upp komst í Bandaríkjunum 2015. Hann fékk að auki sektargreiðslu upp á rúmar 40 milljónir íslenskar krónur.

Forsaga málsins, sem vakti athygli og hneykslan um heim allan, er sú að VW í Bandaríkjunum var staðið að því að hátt í 600 þusund bílar frá fyrirtækinu voru með búnað til að blekkja mengunarmælingar.

Í stuttu máli þá var komið fyrir hugbúnaði eða forrit í í tölvum bílanna sem skynjar það þegar byrjað er að mengunarmæla þá. Búnaðurinn gangsetur þá hreinsibúnaðinn í útblásturskerfi bílsins sem annars er lítt eða ekki virkur í venjulegri daglegri notkun hans.

Þetta þýðir að mengunarmælingin sýnir mjög fegraða mynd af losun NOx sambanda og sótagna sem eru krabbameinsvaldar. Þær mengunartölur sem svona fengust og voru skráðar í gerðarviðurkenningarskjöl bílanna voru því hrein og bein fölsun. Niðurstöður mengunarmælinga eru forsenda þess hvort og í hve miklum mæli bíllinn er skattlagður bæði við kaup og í notkun.

Oliver Schmidt átti yfir höfði sér mun þyngri dóm en hann komst að sam­komu­lagi við sak­sókn­ara sem féllu frá flest­um liðum ákær­unn­ar gegn játn­ingu fyr­ir brot­in sem eft­ir stóðu. Að lok­inni afplán­un verður hann rek­inn úr landi.

Dómarinn taldi Schmidt forsprakkann í svindlinu. Fleiri aðilar eru bendlaðir við málið en þeir hafa ekki enn sem komið er gefið sem fram við saksóknara.