Stefnt að fækkun bensínstöðva í borginni um helming á næstu árum

Borg­ar­ráð samþykkti á fundi í gær meg­in­lín­ur og samn­ings­mark­mið í viðræður við olíu­fé­lög­in með það að mark­miði að fækka bens­ín­stöðvum í borg­inni um helm­ing.  Í stað bens­ín­stöðva komi íbúðaupp­bygg­ing, hverf­is­versl­an­ir eða önn­ur starf­semi á lóðunum. Alger einhugur var í borgarstjórn um málið.

Fram kom að skil­greind­ir hafa verið hvat­ar fyr­ir olíu­fé­lög­in til að hraða þess­ari umbreyt­ingu í sam­vinnu við borg­ina í græna átt.

Lofts­lags­áætl­un borg­ar­inn­ar ger­ir ráð fyr­ir að stöðvun­um verði fækkað um helm­ing fyr­ir árið 2030 en nú brá svo við að borg­ar­ráði leist svo vel á upp­leggið að það sam­einaðist um að herða á mark­miðinu og stefna á að ná því fyr­ir árið 2025.

FÍB hefur oft í tímans rás vakið athygli hversu þétt net eldsneytisstöðva er á höfuðborgarsvæðinu og hversu óhagkvæmt það hlýtur að vera. Olíufélögin og sömuleiðis borgaryfirvöld og sveitarstjórnir á höfuðborgarsvæðinu gætu auðveldlega stýrt þéttleikanum – olíufélögin eftir hagrænum forsendum og yfirvöld með skipulagsaðgerðum og með t.d. með lóðaúthlutun og með því að endurúthluta lóðum vannýttra stöðva.  

Í dag eru um 44 bensínstöðvar á höfuðborgarsvæðinu sem gerir að ein bensínstöð sé á hverja 2.700 íbúa. Þess má geta að ein bensínstöð er á hverja tíu þúsund íbúa í Lundúnum. Bensínstöðvum hefur almennt farið hratt fækkandi í Evrópu á síðustu árum.