Svigrúm til meiri lækkana er fyrir hendi

Töluverð verðlækkun hefur orðið á eldsneyti á heimsmörkuðum á síðustu dögum og nemur lækkunin um 20% þegar verðið var hvað hæst í október. Um helgina lækkaði bensínverðið hér á landi um þrjár krónur lítrinn og kostar 95 oktana bensín hjá Orkunni (Skeljungi) 228,70 krónur, Atlantsolíu 228,80 krónur og hjá N1 232 krónur. Dísilolíuverðið er á flestum stöðum rösklega þremur krónum ódýrara en 95 oktana bensín og kemur það til vegna lækkunar á heimsmarkaðsverði.

Mun meiri verðlækkun á bensíni hefur átt sér stað víða í Evrópu heldur en hér á landi síðustu daga. Svigrúm til meiri lækkana íslenskum neytendum til handa er því til staðar, en ekki nýtt sem skildi. Forsvarsmenn olíufélaganna benda sem fyrr á að helmingur bensínverðsins sé föst stærð, skattar, olíugjald og fleira kemur til.

Fyrir helgina kostaði bensíntunnan 70 dali á heimsmörkuðum og telja sérfræðingar að verðið getið jafnvel lækkað enn frekar á næstum dögum og viku. Rekja má þessa hækkun að einhverju leyti til mun betri  birgðastöðu í Bandaríkjunum en talið var og ennfremur eru áhyggjur af hægari hagvexti. Birgðastaða hefur batnað verulega vestanhafs um nokkurt skeið og er hún talin þrisvar sinnum meiri en sérfræðingar töldu.