English
Tíu ára starf EuroNCAP margfalt árangursrríkara en allar opinberar tilskipanir og afskipti nokkru sinni
30.11.2005
Max Mosley
„Það sem áunnist hefur þau tíu ár sem EuroNCAP hefur starfað er augljóst: Með tilkomu EuroNCAP - óháðrar stofnunar sem aflar og miðlar upplýsingum til neytenda, hafa orðið stórstígar framfarir í þróun og notkun tækni í nýjum bílum sem eykur öryggi fólks, forðar slysum á fólki og bjargar mannslífum. Framfarir í bílasmíði sem miða að því að verja og vernda fólkið í bílnum hafa verið stórstígar og margfalt árangursríkari en hefðbundnar opinberar tilskipanir og staðlar hafa nokkru sinni verið.
Næsta markmið er það að halda áfram á sömu braut með bílana en færa jafnframt áhrifamátt EuroNCAP yfir á aðra þætti umferðaröryggis,“ sagði Max Mosley fyrr í dag á málþingi sem haldið er í Brussel í tilefni af tíu ára afmæli EuroNCAP.
Nánar verður greint frá málþinginu í Brussel hér á fréttasíðu FÍB síðar.
Gerast Félagi
Eldsneytisvaktin
