Vegfarendur beðnir að kynna sér veðurspár áður en lagt er af stað

Vakin er athygli á gulum- og appelsínugulum viðvörunum Veðurstofu Íslands fyrir mánudag og þriðjudag, 30. og 31. janúar. Gera má ráð fyrir að til lokana geti komið og eru vegfarendur beðnir að kynna sér veðurspár áður en lagt er af stað.

Ríkislögreglustjóri hefur lýst yfir óvissustigi Almannavarna vegna vuðurs. Boðað hefur verið til samráðsfundar klukkan hálf ellefu. Gangi veðurspár eftir verður samhæfingarstöð virkjuð.

Á höfuðborg­ar­svæðinu er gul viðvör­un vegna veðurs frá klukk­an 15 í dag og gild­ir hún í hálf­an sól­ar­hring, eða til klukk­an 3 í nótt. Lög­regl­an vek­ur at­hygli á  app­el­sínu­gul­um viðvör­un­um í kring­um höfuðborg­ar­svæðið, en þar er bú­ist við að veg­ir geti lokast með stutt­um fyr­ir­vara.

Veður fer hratt versn­andi á Suður­landi upp úr há­degi í dag. Í Mýr­dal og und­ir Eyja­fjöll­um má bú­ast við ofsa­veðri og geta hviður þar verið á bil­inu 40 til 55 m/​s frá klukk­an 14 til 18, og litlu síðar í Öræf­um. Þetta kem­ur fram í til­kynn­ingu frá veður­fræðingi Vega­gerðar­inn­ar. Vegum víðsvegar um landið kann að loka með stuttum fyrirvara.

Á Hell­is­heiði, Þrengsl­um, Mos­fells- og Lyng­dals­heiði verður hríðarveður og lítið skyggni eft­ir klukk­an 14. Stend­ur það fram á nótt.