Yfir 144 þús. Chryslerbílar innkallaðir

Rétt fyrir áramótin innkallaði Chrysler rúmlega 144 þúsund bíla í þremur skömmtum.

Stærsti hlutinn eða 65.180 er af gerðinni Dodge Journey árgerð 2009 en ástæðan er gallaðar rafleiðslur í hurðum. Rafleiðslurnar sem eru frá íhlutaframleiðandanum Delphi. Gallarnir í þeim eru sagðar geta haft þau áhrif á skynjara fyrir hliðarloftpúða að þeir virki ekki ef árekstur verður. Ennfremur er kuldi talinn geta haft þau þau áhrif á þessar rafleiðslur að einangrun þeirra bresti eða leiðslurnar hreinlega hrökkvi í sundur.

Dodge Journey.

Dodge Ram 1500.

Dodge Ram 4500.

Einungis 23 kvartanir vegna þessa hafa borist og engin dæmi eru um að slys hafi orðið né brunar sem rekja megi til galla í þessum rafleiðslum að sögn talsmanns Chryslers við fréttamann Reuters. Frumkvæðið að innkölluninni kemur frá fyrirtækinu sjálfu sem tilkynnti um hana til umferðaröryggisstofnunar USA; NHTSA. Hún virðist því vera hluti af gæðaátaki sem Sergio Marchionni forstjóri Fiat/Chrysler boðaði á ofanverðu nýliðnu ári.

Chrysler Innköllunin nær einnig til 56,611 Ram 1500 af árgerð 2011. Þar er ástæðan sú að lega í afturdrifi gæti átt til að þorna og gefa þá frá sér sarg- og ískurhljóð og síðan hugsanlega að yfirhitna og festast.

Loks voru einnig innkallaðir 22,274 Dodge Ram 4500 og 5500 vegna þess að spyrnufóðring vinstra megin gæti slitnað, slag komið í hana sem þá skerðist rásfestan.  Talsmaður Chrysler segir að engin dæmi séu heldur um slys eða meiðsli á fólki vegna þessara galla.