Fréttir

Tímamót urðu í framleiðslu Tesla bílaframleiðandans á dögunum er milljónasti bíll fyrirtækisins var framleiddur. Um var að ræða Model Y bíllinn og sagði Elon Musk, framkvæmdastjóri, þetta stóra stund og bjartsýni ríkti enda seldist bíllinn vel út um allan heim.

Umferðin í byrjun mars hefur dregist mun meira saman en reyndin varð í janúar og febrúar. Líklegt verður að telja að hér gæti áhrifa af ástandinu vegna Covid-19. Hvort sem um er að ræða beinan samdrátt í umferð vegna kórónaveirunnar eða um sé að ræða afleiddan samdrátt vegna minnkandi umsvifa og t.d. fækkunar ferðamanna. Nema hvorttveggja sé ástæðan. Þetta kemur fram í upplýsingum frá Vegagerðinni.

Neytendastofu hefur borist tilkynning frá BL Hyundai um að innkalla þurfi 276 Hyundai I30 og Elantra Neos bifreiðar af árgerðunum 2007 til 2012. Ástæða innköllunarinnar er að stillingar í loftpúðaheila eru ófullnægjandi.

Frumvarp til laga að fella niður skilyrði um leyfisveitingar fyrir sölu notaðra ökutækja, þ.m.t. kröfu um námskeið og próf fyrir bílasala hefur verið samþykkt á Alþingi. Lögin hafa þegar tekið gildi. Félag íslenskra bifreiðaeigenda, FÍB, og Bílgreinasambandið, BGS, lögðust alfarið gegn þessum áformum atvinnuvega- og nýsköpunarráðuneytisins og töldu þetta afar misráðið.

Sænski bílaframleiðandinn Volvo hefur neyðst til að innkalla 700 þúsund bifreiðar um allan heim vegna alvarlegrar bilunar í sjálfvikrku hemlakerfi bifreiðanna. Bílarnir fara inn á viðurkennd verkstæði til að fá nýja hugbúnaðaruppfærslu.

Íslensku olíufélögin fóru af stað í upphafi vikunnar með lækkun á bensíni og dísilolíu eftir gríðarlega lækkun heimsmarkaðsverðs olíu. Viðbrögðin voru eðlileg en síðan hefur ekkert gerst frekar.

Íbúar á Fornhaga 11 – 17 fögnuðu nýrri hleðslustöð við hús sitt nýverið en hleðslustöðin fékk nafnið Hlaðgerður. Hún getur hlaðið tvo bíla í einu en þar sem búið er að undirbúa jarðveginn er með lítilli fyrirhöfn hægt að bæta við hleðslubúnaði fyrir tvo bíla til viðbótar.

Umferðin á höfuðborgarsvæðinu í febrúar dróst saman um tæpt prósent og hefur ekki dregist meira saman síðan á árinu 2011 í þessum mánuði. Sama er að segja um umferðina frá áramótum sem hefur nú dregist saman um 1,2%. Þetta kemur fram í upplýsingum frá Vegagerðinni.

Samkvæmt áætlunum Hyundai Motor Group vinnur fyrirtækið samkvæmt sérstakri áætlun um stórfjölgun rafdrifinna bíla í framleiðslu fyrirtækisins og verða bílgerðirnar að minnsta kosti 44 innan fárra ára. Fyrirtækið ráðgerir að verja um 50 milljörðum evra á næstu fimm árum í fjárfestingar þannig að 2025 selji fyrirtækið a.m.k. 670 þúsund rafknúna, rafvædda og vetnisknúna rafbíla á ári.

Runólfur Ólafsson, framkvæmdastjóri Félags íslenskra bifreiðaeiegenda, FÍB, segir að ís­lensk olíu­fé­lög hafi gripið til lækk­ana í gær og í dag eft­ir mikla lækk­un á heims­markaði und­an­farna daga.