Fréttir

í 10. bekk við Foldaskóla í Grafarvogi hefur sl. ár staðið til boða valgrein við skólann sem heitir fornám til ökunáms. Í þessu fagi er farið yfir ýmsa þá þætti sem tengjast bílnum. Hjörtur Gunnar Jóhannesson, starfsmaður FÍB aðstoðar, heimsótti Foldaskóla í gær og fræddi nemendurna allt um dekkjaskipti.

Samkvæmt tölum frá Samgöngustofu voru nýskráningar fólks- og sendibíla á innlendum bílamarkaði alls 2.197 í apríl. Það er 119 bílum færri en í mars en ástæðuna má eflaust rekja til páskahelgarinnar og annarra frídaga í apríl mánuði.

Það verða kaflaskipti í sögu Mitsubishi síðar á þessu ári þegar framleiðslu á Lancer bíl fyrirtækisins verður hætt. Saga framleiðslu þessa bíls spannar 44 ára sögu en nú verður kraftur settur í framleiðslu á jepplingum.

Framkvæmdir á Miklubraut við Klambratún hefjast í dag, mánudag, en þá verður akreinum til vesturs fækkað tímabundið frá Lönguhlíð að Rauðarárstíg. Þar sem umferðarþungi inn í miðborgina er mestur á morgnana má gera ráð fyrir töfum á í morgunumferðinni á næstunni. Ökumenn eru hvattir til að gefa sér rýmri tíma en venjulega, sem og að sýna tillitssemi og aðgát við framkvæmdasvæðið.

Margur bifreiðaeigandinn kannast við mistök við eldsneytisáfyllingu en þau eru í langflestum tilfellum á þann veg þegar að fólk setur bensín á dísílbíla sína. Mistök á hinn veginn eru sjaldgæfari.

Volkswagen Amarok er glæsilegur pallbíll með stíl sem hefur upp á að bjóða mikla notkunarmöguleika fyrir fólk með fjölbreyttan lífsstíl. Hann kemur með einstaklega aflmiklum 3.0 lítra V6 dísilvélum með allt að 550 Nm togi og átta gíra sjálfskiptingu.

Neytendastofu hefur borist tilkynning frá Bílaumboðinu Öskju ehf um innköllun á 3 Kia Niro bifreiðum, framleiddar frá 23. desember 2016 – 4. janúar 2017. Ástæða innköllunarinnar er sú að Kia Motors hefur gefið það út að raftengi við stýristúpumótor gæti verið skemmt eftir samsetningu hjá birgja.

ON hefur í samstarfi við N1 og fleiri aðila bætt við þremur hlöðum fyrir rafbíla á leiðinni milli Akureyrar og Reykjavíkur. „Leiðin er orðin fær,“ segir Bjarni Már Júlíusson framkvæmdastjóri ON.

Bílaumboðið Askja mun frumsýna nýja Kia Rio og Kia Picanto laugardaginn 6. maí kl. 11-17. Kia Rio er vinsælasti bíll sem Kia hefur framleitt frá upphafi. Ný kynslóð bílsins er mikið breytt frá forveranum bæði hvað varðar útlit og búnað. Straumlínulagaðar línur og kraftaleg umgjörð gefa bílnum fallegt heildaryfirbragð.

Umferðin á höfuðborgarsvæðinu í apríl jókst um fimm prósent frá sama mánuði í fyrra, heldur minni aukning en þá en eigi að síður hefur umferðin aldrei verið meiri á svæðinu í apríl mánuði. Nú er útlit fyrir að í ár aukist umferðin um heil sjö prósent sem er mikil aukning á einu ári samkvæmt tölum frá Vegagerðinni.