Fréttir

Ferry Smith stjórnarformaður EuroRAP hélt mjög athyglisvert erindi um öryggisrýni vega á ráðstefnunnin Bílar, fólk og framtíðin í Hörpu 17. nóvember sl. Hann skýrði tilurð og tilgang Euro RAP og Euro NCAP (öryggismat nýrra bíla). Bæði þessi verkefni urðu upphaflega til hjá alþjóðasamtökum bifreiðaeigenda, FIA, og er tilgangur þeirra að draga sem mest úr dauða og meiðslum í umferðinni í heiminum með því að bæta farartæki, umferðarmannvirki og síðast en ekki síst viðhorfum almennings, stjórnvalda og fjölmiðla til öryggismála.

General Motors hefur byrjað á að setja sérstakan öryggisbúnað í nýja bíla. Búnaðurinn varar ökumenn við svo þeir gleymi ekki neinu og allra síst sofandi barni í aftursætinu þegar þeir yfirgefa bílinn. GM vonast til að búnaðurinn fækki dauðaslysum á börnum af völdum ofhitnunar í bílunum

-Hvað þetta frægðarfólk getur látið út úr sér! Segir greinarhöfundur á vefsíðunni Green Car Report þar sem hann svarar fullyrðingum Jeremy Clarkson um rafbíla í sjónvarpsviðtali við Business Insider lið fyrir lið.

Samkvæmt nýlegri samþykkt borgarstjórnar hækka gjaldskrár borgarinnar fyrir ýmis viðvik frá og með næstu áramótum..Jafnaðarlega hækka tekjur borgarinnar fyrir flest þessi viðvik um 2,4 prósent, en einn þáttur sker sig algerlega og freklega úr. Það eru bílastæðagjöldin. Aukastöðugjöld sem leggjast á bíla sem fara fram yfir greiddan stöðutíma hækka um 60 prósent og sjálf stöðugjöldin hækka um 10-50 prósent – misjafnt eftir gjaldsvæðum.

Í skráningu Samgöngustofu á umferðarslysum sem unnin er upp úr skýrslum lögreglu kemur fram að á fyrstu 8 mánuðum þessa árs hefur orðið mikil fjölgun umferðarslysa sem rekja má til ölvunaraksturs. Á undanförnum árum, eða allt frá árinu 2008, hefur orðið mikil fækkun umferðarslysa þar sem ölvun kemur við söguen nú er sem breyting sé að verða til hins verra.

Hermenn ýttu dauðum Rússajeppanum, sem dró kerru með jarðneskar leifar Fidels Castro, síðasta spölinn.

Það hefur komið mörgum á óvart að Evrópusambandið virðist nú hafa samþykkt fyrirætlanir þýskra stjórnvalda um að innheimta veggjöld (Pkw-Maut) af erlendum fólksbílum sem aka á þýsku hraðbrautunum. Veggjöld verða ekki innheimt af bílum sem skráðir eru í Þýskalandi. Þetta er alger viðsnúningur því áður hafði ES hafnað veggjaldahugmyndinni.

Árið 2025 gengur í gildi bann við akstri dísilbíla í fjórum stórborgum heimsins. Þetta eru borgirnar Mexico City í Mexíkó, Paris í Frakklandi, Madrid á Spáni og Aþena í Grikklandi. Allar hafa þessar borgir lengi verið hrjáðar af loftmengun en mismikilli.

Bæði Volkswagen Group og BMW hafa stofnað dótturfélög sem keppa eiga við hið bandaríska Uber á leigubílamarkaði í borgum með sjálfkeyrandi bílum. Fyrirtæki VW heitir Moia og hyggst nota sérbyggða rafbíla. Hjá BMW hefjast prófanir á 40 sjálfakandi rafknúnum leigubílum þegar á komandi ári í heimaborinni Munchen. Þótt þessir bílar séu sjálfkeyrandi verða þjálfaðir tilraunabílstjórar í bílunum á reynslutímanum sem gripið geta inn ef eitthvað fer úrskeiðis.

Það var lengst af mjótt á munum milli tveggja efstu bílanna í vali á bíl ársins 2017 í Danmörku. En í lokaatkvæðagreiðslu dómnefndarinnar réðu síðustu þrjú atkvæði dómnefndarinnar úrslitum og tryggðu nýja jepplingnum Peugeot 3008 sigurinn með 167 stigum yfir Alfa Romeo Giulia sem varð í öðru sæti og hlaut 149 stig.