Fréttir

Uppblástursbúnaður (sprengihleðslur) fyrir Takata loftpúða er ástæða þess að Toyota Motor Corp. innkallar nú samtals 5,8 milljón bíla. Skipta þarf út hættulegum uppblástursbúnaði púðanna. Innköllunin nú nær til bæði loftpúða sem fyrri Takata- innkallanir náðu ekki til en líka til uppblástursbúnaðar sem skipt var út í Takata-innkölluninni árið 2010. Reuters fréttaveitan greindi frá þessu nú í morgun, miðvikudag.

Stundum verður þess vart að fólk hafi áhyggjur af því að nútíma dísilolía fyrir bíla hafi takmarkað geymsluþol og mun takmarkaðra en fyrir tveimur-þremur áratugum. Skyldi vera eitthvað til í þessu?

Apple tölvufyrirtækið hefur lagt meginhluta svonefnds Titan-verkefnis á hilluna

Þýska tímaritið Der Spiegel greinir frá því að samstarfsráð þýsku sambandsríkjanna hafi nýlega samþykkt að frá og með árinu 2030 verði bannað að nýskrá bíla sem brenna jarðefnaeldsneyti (dísil- og bensínbíla). Ráðið skorar ennfremur á önnur ríki Evrópusambandsins að gjöra slíkt hið sama.

Danski bílahönnuðurinn Henrik Fisker og höfundur bíla eins og BMW Z8 og Aston Martin DB9 boðar nú nýjan rafbíl og lofar því að hann verði sá langdrægasti til þessa.

Volkswagen mun byggja ódýra rafmagnsbíla í Kína í samvinnu við Jianghuai Automobile (JAC). Bílarnir verða byggðir á undirvagni JAC rafbíls sem þegar er til og verða hvorki markaðssettir sem VW eða JAC heldur undir nýju tegundarheiti. Jochem Heizmann forstjóri Volkswagen í Kína greindi kínverskum blaðamönnum frá þessu á bílasýningunni í París alveg nýlega.

Daimler (Mercedes Benz) sem átt hefur sigursælt Formúlu eitt lið undanfarin ár hefur sótt um það hjá FIA, alþjóða akstursíþróttasambandinu, að taka þátt í fimmta keppnistímabili rafmagnsformúlunmar (Formula E) 2018-19. Á keppnistímabilinu 2016-17 sem hefst í Hong Kong um næstu helgi taka 10 lið þátt en gert er ráð fyrir því að þau verði orðin tólf 2018-19.

Nýr Bronco jeppi er á leiðinni frá Ford, mörgum gömlum aðdáendum þessa forfræga jeppa til gleði. Ýmsir þeirra spyrja sig reyndar hvort megi þakka það Donald Trump forsetaframbjóðanda eða ekki. En tilkynningin um nýjan Bronco er komin frá Ford ásamt yfiorlýsingu um að hann verði framleiddur Michigan eins og gömlu Bronkóarnir.

Hábyggði smábíllinn Suzuki Ignis var talsvert algengur hér á landi um tíma upp úr aldamótunum. Hann fyrirfannst í nokkrum útgáfum; tveggja og fjögurra dyra, framdrifinn eða fjórhjóladrifinn og meira segia í sérstakri nokkuð frískri sportútgáfu.

Eins og margir minnast efalaust þá samdi gamla strákagengið í TopGear við Amazon um gerð nýrrar þáttaraðar í anda TopGear. Það gerðist eftir að búið var að reka Jeremy Clarkson og þeir Richard Hammond og James May búnir að segja upp hjá BBC í kjölfarið.