Fréttir

Eyrarsundsbrúin sem tengt hefur saman Danmörku og Svíðþjóð með vegar- og járnbrautarsambandi undanfarin 16 ár er tekin að þarfnast viðhalds og málunar. Undirbúningur er hafinn en sjálf málningarvinnan hefst 2019 og lýkur 2032, 13 árum síðar

Alger forsenda sjálfkeyrandi umferðar bíla að hluta eða öllu leyti er að hin rafrænu kort í leiðsögutækjum bílanna séu mjög nákvæm og sjálf tækin og GPS-gervitunglin verða að staðsetja farartækin mjög nákvæmlega á vegum og götum.

Delphi Automotive er bandarískur bílaíhlutaframleiðandi sem eitt sinn var í eigu GM og hét þá lengst af Delco. Delphi hefur ásamt fleiri stofnað sérstakt þróunarfélag til að prófa og þróa sjálfsakstursbúnað fyrir sex ökumannslausa Uber-leigubíla í þéttri borgarumferðinni í Singapore.

Kínverskt orkufyrirtæki sem sérhæft er í nýtingu sjálfbærrar orku eins og fallvatna-, vind- og sólarorku hefur tilkynnt að til standi að hefja framleiðslu á rafbílum sem nýta sólarorku. Framleiðslan á að hefjast árið 2020.

GM hefur hafið prufuframleiðslu á nýja rafmagnsfólksbílnum Bolt í nýrri hátækniverksmiðju sinni í Michigan. Hin eiginlega fjöldaframleiðsla hefst svo síðar í haust og almenn sala hefst svo upp úr áramótum.

Bristol er gamalt breskt tegundarheiti yfir bíla, ekki síst vandaða sportbíla og kappakstursbíla millistríðsáranna.

Verkfræðingahópur hjá Nissan hefur endurbætt rafgeymasamstæðuna í nýjum Leaf rafbíl og þannig bætt drægi bílsins verulega eða úr ca 250 kílómetrum í rúmlega 400 km.

Nýleg bandarísk rannsókn gefur sterka vísbendingu um að allt að 8 milljón ökumenn hafi sýnt af sér ofsafengna hegðun í umferðinni á síðasta ári. Rannsóknin byggir á svörum 2705 bandarískra ökumanna um hegðun og framkomu þeirra í umferðinni.

Bílasala í Evrópu hefur verið á góðri siglingu það sem af er ári. Á fyrri helmingi ársins 2016 voru nýskráðir 9,1 prósent fleiri bílar samanborið við sama tíma 2015. Sala nýrra bíla á Íslandi eykst verulega á milli ára. Þrátt fyrir þessa góðu sölu hafa bílaframleiðendur áhyggjur af væntanlegri útgöngu Breta úr ESB og áhrifum þess á bílgreinina.

Ein mesta ferðahelgi ársins, verslunarmannahelgin er framundan. Ferðavenjur hafa breyst og sérstaða verslunarmannahelgarinnar er ekki eins mikil og áður því nú eru flestar helgar yfir sumarið orðnar stórar ferðahelgar og víða bæjarhátíðir.