Fréttir

Í Svíþjóð hefur skipulagi löggæslumála verið breytt þannig að umferðargæsla er ekki lengur alfarið á forræði lögregluembætta einstakra sýslna eða léna, heldur lýtur umferðarlögreglan nú öll einni yfirstjórn. Breytingin hefur kallað á endurskoðun og samræmingu verklags sem á stundum hefur þótt vera breytilegt milli landshluta og -svæða.

Hreini rafbíllinn Opel Ampera-e verður sýndur á bílasýningunni í París sem hefst undir lok þessa mánaðar. Þessi langdrægi rafmagnsbíll er síðan væntanlegur á almennan markað snemma á næsta ári. Hann er einn 29 nýrra bílagerða sem Opel er á fullu við að demba á markað fram til 2020

Tölulegar upplýsingar sem safnast upp hjá bifreiðaskoðunarstöðvum í Svíþjóð sýna batnandi ástand bílaflotans. Athugasemdum sem skoðunarmenn gera við ástand bílanna fer nefnilega fækkandi ár frá ári. Gera má ráð fyrir svipuðu hér á landi, ekki síst vegna þess að bílaflotinn hefur verið að yngjast og endurnýjun hans nú nálægt því sem telja má eðlilega

Á bílasýningunni í París undir lok septembermánaðar ætlar Citroen að sýna frumgerð nýs lúxusbíls. Bíll þessi nefnist Cxperience og er svona forsmekkur þess sem leysa skal lúxusbílinn C 5 af hólmi þegar þar að kemur.

Nú stendur yfir alþjóðlega bílasýningin í Moskvu. Þar gefur að líta ýmsar bílategundir sem sjaldgæfar eru hér, svo sem kínverskar. En merkustu nýjungarnar ef til vill, eru af gamalkunnugri tegund – Lada.

Honda hefur fengið einkaleyfi á nýjum gírkassa. Hann skiptir sjálfvirkt milli gíra, bæði upp og niður, er 11 gíra og hefur þrjár kúplingar í stað tveggja eins og algengt er um kassa af þessu tagi.

Það bendir ýmislegt til þess að leigubílstjórum heimsins gæti fækkað verulega innan fárra ára. Tæknin leysi þá af hólmi.

Hin árlega Sparaksturkeppni FÍB og Atlantsolíu var haldin í gær. Ekið var sem leið lá milli Reykjavíkur og Akureyrar alls um 380 kílómetra. 19 ökutæki tóku þátt að þessu sinni en markmið keppninnar er að aka á sem fæstum eldsneytislítrum við hefðbundnar aðstæður.

Leiðin sem ekin verður tekur u.þ.b. 5 klst. - ekið verður frá bensínstöð Atlantsolíu Bíldshöfða og til bensínstöðvar Atlantsolíu Glerártorgi Akureyri(381,6 km) með 30 mínútna stoppi á Gauksmýri(188,8 km) þar er kjarngóð súpa og brauð í boði.

Útblástur koldíoxíðs frá nýskráðum bílum fer talsvert hratt lækkandi ef marka má tölulegar upplýsingar frá hinni sænsku skráningarstofu. Það sem af er þessu ári er meðalútblástur nýskráðra bíla í Svíþjóð 4,6% minni en hann var á sama tímabili síðasta árs.