Fréttir

SsangYong Musso frá S. Kóreu var talsvert vinsæll jeppi hér á landi um skeið. Nú er kominn fram nýr bíll frá SsangYong. Það er jepplingur sem hefur gerðarheiti sem minnir á Kaupmannahöfn – Tivoli. SsangYong hefur átt í rekstrarörðugleikum undanfarin ár en er nú komið í eigu indverska bílaframleiðandans Mahindra.

Skoda sýnir frumgerð tengiltvinn-jepplingsins Vision S á bílasýningunni í Genf sem senn verður opnuð. Genfarsýningin er viðeigandi staður því þar viðra bílaframleiðendur í Evrópu nýjungar sínar og framtíðarsýn.

Ítalska lúxusmerkið Maserati sem er hluti Fiat-Chrysler samsteypunnar sýnir sinn fyrsta jeppling á bílasýningunni í Genf eftir rúma viku. Framleiðslan er hafin á bílnum og salan hefst með vorinu.

Sjö bílar eru komnir í lokaval á bíl ársins í Evrópu 2016. Úrslit verða tilkynnt við opnun bílasýningarinnar í Genf eftir tvær vikur.

Intelligent Transport Management System (iTraMS) nefnist nýr tæknibúnaður sem þróaður hefur verið hjá Bosch í Indlandi, Þennan búnað má auðveldlega setja í alla bíla, ekki bara nýja á framleiðslustigi heldur líka eldri bíla. Með þessu kerfi í sem allra flestum bílum vonast Bosch til að stuðla að öruggari umferð og umhverfismildari.

General Motors innkallar um þessar mundir um 200.000 bíla af gerðunum Saab og Saturn í N. Ameríku. Innköllunin er hluti af mun stærra máli sem er innköllun á meir en 5 milljón bílum af ýmsum tegundum og gerðum sem eiga það sameiginlegt að vera búnir loftpúðum frá japanska framleiðandanum Takata.

General Motors er að hefja fjöldaframleiðslu á nýjum meðalstórum rafmagns- fólksbíl sem nefnist Chevrolet Bolt. Á bílaráðstefnu í Bochum í Þýskalandi í sl. viku greindi Mary Barra forstjóri GM frá því að senn hæfist fjöldaframleiðsla á nýjum og mjög langdrægum rafmagnsbíl hjá Opel; Opel Ampera-e. Nú er svo komið í ljós að um er að ræða einn og sama bíl undir tveimur undirmerkjum GM og verður hann framleiddur í Bandaríkjunum undir báðum nöfnum.

Umferðarlögreglan í Danmörku fór dagana 1.-7. febrúar í sérstakt átak gegn aðgæsluleysi ökumanna og hjólandi í umferðinni og sektaði grimmt þá sem staðnir voru að brotum sem greinilega voru framin vegna þess að hugurinn var víðsfjarri akstrinum.

Fjölnotabíllinn Skoda Roomster er ekki lengur framleiddur. Framleiðslunni var hætt í desember sl. og ólíklegt að annar fjölnotabíll leysi hann af hólmi.

Ályktun stjórnar FÍB um fyrirhugaða ofurhækkun Isavia á bílastæðagjöldum send Isavia og ráðherrum fjármála og innanríkismála. Í henni er þess krafist að fyrirhugaðar hækkanir sem taka eiga gildi 1. apríl verði afturkallaðar.