Fréttir

Eins og borgarbúar hafa orðið varir við hefur verið stillt og þurrt veður í borginni í dag og mælist styrkur svifryks og köfnunarefnisdíoxíðs hár auk þess sem há gildi koma fram í mælingum á styrk brennisteinsvetnis. Svipuðu veðri er spáð næstu daga svo gera má ráð fyrir slæmum loftgæðum. Undir kringumstæðum sem þessum er brýnt að þeir sem eru viðkvæmir í öndunarfærunum forðist útivist í nágrenni stórra umferðaæða næstu daga.

Borið hefur á því hér á landi að skráning bifreiða gefi til kynna að þær séu yngri en þær eru í raun og veru.Runólfur Ólafsson, framkvæmdastjóri Félags íslenskra bifreiðaeigenda, FÍB, sagði í samtali við Morgunblaðið að það skipti auðvitað máli hvort menn sé að kaupa bíl frá 2008 eða 2010. Morgunblaðið segir frá því að nýverið hafi einstaklingur rekist á Kía-bifreið sem skráð væri 201o en við nánari athugun hafi komið í ljós að framleiðsluár hennar hafi verið 2008.

Borgaryfirvöld í Róm á Ítalíu hafa ákveðið að banna notkun dísilknúna bifreiða í miðborginni frá 2024 að telja í baráttunni við mengun í borginni sem aukist hefur mjög á síðustu árum. Fleiri borgir í Evrópu eru að skoða að fara þessa sömu leið og Rómarborg og banna þá í fyrstu dísilbíla frá miðborgunum.

Opnað hef­ur verið fyr­ir ábend­ing­ar frá al­menn­ingi um drög að nýj­um um­ferðarlög­um, en sam­kvæmt drög­un­um er um viðamikl­ar breyt­ing­ar að ræða. Markmið með heildarendurskoðun umferðarlaga er að stuðla enn frekar að umferðaröryggi með því að bregðast við þeirri þróun sem orðið hefur á samgöngum og samfélaginu í heild á undanförum árum.

Ástand á götum á höfuðborgarsvæðinu og víða um land hefur verið töluvert til umfjöllunar síðustu daga. Í leysingunum að undanförnu koma götur illa undan vetri og á mörgum stöðum er ástandið mjög slæmt. Getur verið að viðhald á götum hafi ekki verið sem skildi og að stjórnvöld séu að fá þetta núna í andlitið.

Starfsmenn Reykjavíkurborgar vilja bregðast skjótt við holum sem myndast í malbiki sem getur gerst í rysjóttri tíð eins og verið hefur undanfarið. Viðgerðir á holum sem valdið geta slysi eða tjóni á ökutækjum hafa hæsta forgang og gert er við þær eins skjótt og mögulegt er eða sett viðeigandi varúðarskilti. Þetta kemur fram í tilkynningu frá Reykjavíkurborg.

Gríðarlegur uppgangur er hjá kínverska bílaframleiðandanum Geely um þessar mundir. Geely á nánast allt hlutaféð í Volvo en þar á bæ eru menn hvergi hættir. Nú hafa Kínverjarnir eignast stærsta hlutinn í Daimler sem framleiðir eins og kunnugt er Marcedes Benz.

Fjölmargar bílar urðu fyrir skemmdum vegna djúpra holu sem myndaðist á vegkafla í Mosfellsbæ á Vesturlandsvegi í vikunni. Bifreiðaeigendur leituðu aðstoðar á dekkjaverkstæðið í Mosfellsbæ vegna skemmda á felgum og dekkjum. Starfsmenn Vegagerðarinnar hófu í gær viðgerðir á umræddum holum og ætti viðunandi ástand að vera á svæðinu núna. Fréttir hafa borist af fleiri holum sem gert hafa bílstjórum skráveifu í leysingunum síðustu daga.

Eins og vegfarendur hafa tekið eftir þá hafa lengi staðið yfir framkvæmdir vegna uppbyggingar á lóðum milli Tryggvagötu og Hörpu í Reykjavík. Á framkvæmdatímanum hafa verið umtalsverðar umferðartafir á Sæbraut, Kalkofnsvegi, Geirsgötu og við Lækjargötu. Hluti þessara framkvæmda tengdist byggingu nýs bílakjallara undir nýja Geirsgötu og þá var umferðinni beint tímabundið um hjáleið á Geirsgötu.

Finnar hafa alltaf verið framarlega á tæknisviðinu og þeir eru langt í frá að draga undan í þeim efnum. Ef allt gengur að óskum geta Finnar sem viljað fengið viðbótarökuskírteini sem app í farsímann sinn síðar á þessu ári . Ákveðinn hópur Finna hefur tekið þátt í þessari tilraun frá því í fyrrasumar með góðum árangri.