Fréttir

Kia í samvinnu við Hyundai Motor Group kynnti í gær nýjan og háþróaðan E-GMP undirvagn (Electric-Global Modular Platform) sem er sérstaklega hannaður fyrir rafbíla.

Götuljósateymi Orku náttúrunnar vinnur þessa dagana að útskiptum götuljósalampa í Breiðholti. Í stað eldri lampa með hefðbundnum perum eru settir upp nýir lampar með LED ljósgjafa. Verkinu miðar vel og mun að óbreyttu ljúka í janúar nk. en alls verður skipt um tæplega 3400 lampa í hverfinu. Íbúar og vegfarendur í Breiðholti hafa mögulega tekið eftir götuljósateymi Orku náttúrunnar sem hefur verið á ferðinni í hverfinu á körfubílum undanfarnar vikur.

Samorka kynnti á ársfundi sínum nýlega niðurstöður greininga um orkuskipti í samgöngum á Íslandi. Greiningin byggir meðal annars á niðurstöðum úr nýrri, umfangsmikilli hleðslurannsókn sem staðið hefur yfir í eitt ár með þátttöku tvö hundruð rafbílaeigenda um allt land. Niðurstöðurnar gefa mikilvægar upplýsingar um við hverju megi búast þegar rafbílum fjölgar til muna með tilheyrandi álagi á raforkuframleiðslu-, flutnings- og dreifikerfi landsins.

Jóladagatal Samgöngustofu hefur göngu sína í dag, 1. desember. Að þessu sinni verður spurt úr þáttunum Úti í umferðinni þar sem Erlen umferðarsnillingur rifjar upp helstu umferðarreglurnar.

Árið 2019 og það sem af er árinu 2020 hefur slösuðum í umferðinni fækkað verulega frá fyrri árum. Bílum í umferð hefur einnig fækkað og umferð almennt. Taflan sýnir fjölda látinna og slasaðra fyrstu 8 mánuði hvers árs samkvæmt skráningum Samgöngustofu.

Nýi hreini rafbíllinn Mazda MX-30, fær 5 stjörnur í nýjasta árekstrarprófi Euro NCAP. Öryggisstofnunin kynnti nýverið til sögunnar nýjar prófunaraðferðir þar sem auknar kröfur eru gerðar til öryggisbúnaðar og aðstoðarkerfa bíla. Mazda MX-30 rafbíllinn undirgekkst nýjasta prófið og hlaut frábæra einkunn eða 91 stig fyrir öryggi bílstjóra og farþega þegar kemur að öryggi í árekstri að framan og á hlið.

Íslensku tryggingafélögin hafa löngum okrað á bílatryggingum, sérstaklega ábyrgðartryggingum ökutækja. Samanburðarkönnun FÍB á iðgjöldum bílatrygginga á Norðurlöndunum staðfestir þetta. Íslensku iðgjöldin eru 50-100% hærri en hjá norrænum frændum vorum.

Andrés Ingi Jóns­son, þing­maður utan flokka, hefur lagt til að há­marks­hraði í þétt­býli verði lækkaður niður í 30 kíló­metra á klukku­stund. Þingmaðurinn segir málið snúast bæði um öryggi og umhverfið. Í þéttbýli er hámarkshraði 50 km/klst nema skilti gefi annað til kynna. Andrés Ingi Jóns­son, þing­maður utan flokka, hefur lagt til að há­marks­hraði í þétt­býli verði lækkaður niður í 30 kíló­metra á klukku­stund. Þingmaðurinn segir málið snúast bæði um öryggi og umhverfið. Ólafur Guðmundsson, umferðarsérfræðingur, sagði á sídegisþættinum á Bylgjunni, að þetta væri einhver vanhugsaðasta tillaga sem hafi heyrt lengi.

Eins og fram hefur komið gerði FÍB samanburðarkönnun á iðgjöldum bílatrygginga hér á landi og á hinum Norðurlöndunum. Til að fá sem nákvæmastan samanburð var miðað við sams konar bíla og fjölskyldustærðir í öllum löndunum. Leitað var eftir iðgjöldum ábyrgðartrygginga og kaskótrygginga og var haft samband við stærstu tryggingafélögin í hverju landi. Könnuð voru iðgjöld í fjórum stórborgum og svo Reykjavík.