Fréttir

Bílaframleiðandinn Tesla ætlar að virða að vettugi tilmæli yfirvalda í Kaliforníu um áfrmhaldandi lokanir á iðnaðarframleiðslu í fylkinu með það að markmiði að hefta útbreiðslu kórónaveirufaraldursins. Verksmiðju Tesla var lokað 23. mars en grunur er um að framleiðslan með einhverjum hætti sé nú þegar hafin í trássi við stjórnvöld.

Nýskráningar fólksbifreiða það sem af er ársins eru alls orðnar 3411. Þetta er samdráttur um 33,2% miðað við sama tíma í fyrra. Toyota er söluhæsti bíllinn en hafa alls 474 verð seldir.

Umferðin í síðustu viku, viku 19, á höfuðborgarsvæðinu jókst nokkuð frá fyrri viku þótt hún hafi verið nærri 10 prósentum minni en í sömu viku fyrir ári síðan. Þannig að rýmkun á samkomubanni og aukin umsvif vegna þess hafa leitt til þess að umferðin er aftur farin að aukast. Hvort hún verður aftur jafnmikil og fyrir ári á hinsvegar eftir að koma í ljós af því fram kemur í upplýsingum frá Vegagerðinni.

FÍB leggst eindregið gegn frumvarpi samgönguráðherra um samvinnuverkefni um vegaframkvæmdir. Með þessu frumvarpi er stefnt inn á varasama braut einkavæðingar í vegakerfinu með tilheyrandi innheimtu vegtolla og dýrari lausnum en vera þyrfti.

Samkvæmt yfirgripsmikilli þýskri neytenda- og markaðskönnun sem birt var í dag kemur fram að kórónuveirufaraldurinn ætlar breyta neysluformi þýskra neytenda á næstu tólf mánuðunum. Fram að kemur að 7% sem tóku þátt í könnunni ætla að fresta bílakaupum sem óformuð voru á þessu ári.

Um þessar mundir eru 23 ár síðan fyrsti tvinnbíllinn kom á götuna. Þetta var árið 1997 þegar japanski bílaframleiðandinn Toyota braut blað í þessum efnum með fjölda framleiðslu á Toyota Prius tvinnbíl. Á þessum tímamótum var það upplýst að Toyota hefði selt 15 milljónir tvinnbíla.

N1 og Tesla hafa undirritað samstarfssamning um uppsetningu á Tesla hraðhleðslustöðvum á völdum N1 stöðvum umhverfis Ísland, sem gerir Tesla eigendum kleift að hlaða sína bíla þegar ekið er um þjóðveg 1. Gert er ráð fyrir því að fyrsta stöðin verði komin í rekstur snemma sumars 2020. Nú þegar eru tvær hraðhleðslustöðvar á vegum framleiðandans, önnur í Reykjavík og hin á Egilsstöðum.

Réttarhöld hófust fyrir þýska ríkisdómstólnum í Karlsruhe í gær þar sem tekið var fyrir hið fræga mál þegar Volkswagen bílaframleiðandinn var uppvís að því að koma fyrir hugbúnaði í tölvukerfi dísilknúna bílgerða sinna. Búnaðurinn átti að fegra stórlega niðurstöður mengunarmælinga bílanna. Upp komst um málið 2015 og hefur síðan dregið dilk á eftir sér.

Samdráttur í bílasölu á Bretlandseyjum í apríl nam 97% í apríl og þarf að fara allar götur til ársins 1946 til að finna sambærilegan samdrátt. Kórónavírusinn varð þess valdandi að verksmiðjur og bílaumboð á Bretlandseyjum hafa verið meira og minna lokuð um fimm vikna skeið.

Húsagötur í borginni verða sópaðar og þvegnar á næstu vikum. Farið er hverfaskipt um borgina og breytilegt milli ára í hvaða hverfi vinnan hefst. Undir lok síðustu viku var unnið á Kjalarnesi og í þessari viku verður sópað og þvegið í Leitum, Vesturbæ, Árbæ, Selási og Ártúnsholti. Íbúar eru hvattir til að færa bíla úr almennum stæðum til að hreinsunin gangi sem best fyrir sig.