Fréttir

Uppgangur hjá kínverska rafbílaframleiðandanum BYD, Bild your dreams, er gríðarlegur um þessar mundir. Elon Musk, forstjóri Tesla, sagði í viðtali í fyrra ekki hafa mikla áhyggjur af þessum vexti bílaframleiðandans. Nú er komið annað hljóð í strokkinn og finnst mörgum samkeppnisaðilum hreinlega stafa ógn af þessum vexti BYD.

Meiri umferð hefur ekki áður mælst á höfuðborgarsvæðinu í janúarmánuði líkt og í þeim sem nú er nýliðinni. Umferðin jókst um tæp fjögur prósent. Fyrra met var slegið í janúar fyrir ári af því er fram kemur í tölum frá Vegagerðinni.

Sigurður Ingi Jóhannsson, innviðarráðherra, segir að skoða verði sem allra fyrst ástæðu fjölda banaslysa sem orðið hafa í umferðinni í byrjun ársins. Ástandið sé algjörlega óviðunandi. Sex manns hafa látist í fjórum mismundandi umferðarslysum. Jafnmargir látist í umferðinni allt árið 2019.

Vetrarafbílarannsókn Félags norskra bifreiðaeigenda, NAF, og Motor félagstímaritsins er lokið. Prófanir hófust í gærmorgun og lauk þeim með formlegum hætti í dag og liggja nú fyrir endanlegar niðurstöður. FÍB var aðili að rannsókninni og aðstoðaði við framkvæmdina. NAF rafbílarannsóknin er sú viðamesta í heiminum ogvar þetta í fimmta sinn sem hún er framkvæmd. Gerðar eru vandaðar prófanir á drægni og úttektir á rafbílum að vetrarlagi. Rannsóknir sem þessar hafa einnig verið framkvæmdar að sumarlagi.

Fyrri notkun vetnis, raf- og tengiltvinnbíla veldur háum kílómetragjaldsreikningum sumra eigenda slíkra bíla. Ýmsum hefur brugðið yfir fjárhæðinni. Sérfræðingur hjá FÍB segir að í sumum tilfellum megi rekja háa reikninga sumra rafbílaeigenda fyrir kílómetragjald til fortíðar bílsins að því er fram kemur í umfjöllun um málið á ruv.is

Umferðin í janúarmánuði á Hringvegi reyndist nærr sex prósentum meiri en í janúar árið 2023. Þetta leiddi til þess að aftur er sett met en umferð í janúarmánuði hefur aldrei mælst meiri á Hringveginum. Þetta kemur fram í tölum frá Vegagerðinni.

Vetrarafbílarannsókn Félags norskra bifreiðaeigenda, NAF, og Motor félagstímaritsins stendur nú sem hæst. Prófanir hófust í morgun og þeim lýkur formlega seinni partinn á fimmtudag og þá ættu endanlegar niðurstöður að liggja fyrir. FÍB er aðili að rannsókninni og aðstoðar við framkvæmdina. NAF rafbílarannsóknin er sú viðamesta í heimunum og er þetta í fimmta sinn sem hún er framkvæmd.

Einn lést í umferðaslysi sem varð á Suðurlandsvegi við Sólheimajökul nærri Pétursey í gærkvöldi. Það sem af er árinu hafa sex manns látist í fjórum umferðarslysum og hafa aldrei áður látist fleiri í umferðarslysum í janúar. Skár Samgöngustofu ná aftur til ársins 1973. Fimm lét­ust í um­ferðarslys­um í janú­ar­mánuði árið 1977.

Um áramótin voru felldar úr gildi skattaívilnanir vegna rafbíla. Í staðinn var tekið upp kerfi þar sem veittur er 900.000 kr. styrkur úr Orkusjóði þegar keyptur er rafbíll sem kostar 10 milljónir eða minna.

Veðurstofa Íslands hefur gefið út gula veður viðvörun í dag 31. janúar fyrir vestanvert landið og eru því margir vegir á óvissustigi á milli 9:00 og 20:00 og gætu lokast með stuttum fyrirvara. Vegfarendur eru beðnir um að vera ekki á ferðinni nema að brýna nauðsyn beri við og fylgjast vel með á umferdin.is.