Fréttir

Isavia innanlandsflugvellir byrja að rukka bílastæðagjöld á Egilsstöðum og Akureyri um næstu mánaðamót en ekki í Reykjavík. Fram kemur að hafinn sé undirbúningur við uppsetningu myndavélakerfis sem nýtt verður við innheimtu gjaldanna. Reykjavíkurflugvöllur sé ekki með núna standi en áform sé um slíkt þó síðar verði að því er fram kemur á ruv.is.

Þýski bílaframleiðandinn BMW hefur ákveðið að fjárfesta fyrir jafnvirði 711 milljónir bandaríkjadala í uppbyggingu á bílaverksmiðju sinni í München. Ennfremur hefur verið tilkynnt að frá byrjun árs 2028 verði eingöngu í verksmiðjunni framleiddir rafbílar.

Gríðarleg snjókoma og fimbulkuldi í Osló og á svæðinu í kringum höfuðborgina að undanförnu hefur sett almennings samgöngukerfið úr skorðum. Frostið hefur suma dagana farið yfir 30 gráður.

Bílaverksmiðjur Toyota eru smám að koma jafnvægi á framleiðslu sína eftir jarðskjálftann að stærðinni 7,5 sem reið yfir á nýársdag í Ishikawa-héraði á vesturströnd Honshu, stærstu og fjölmennustu eyju Japans. Margir birgjar Toyota og samstarfsaðilar þeirra eru á áhrifasvæðum skjálftans.

Um áramótin tók gildi kílómetragjald fyrir notkun rafmagns-, vetnis- og tengiltvinnbíla. Eigendur slíkra ökutækja geta nú skráð kílómetrastöðu á Mínum síðum Ísland.is og í Ísland.is snjallforritinu.

Nýskráningar eru öllu færri í fyrstu viku ársins en á sama tíma í fyrra. Nú voru nýskráningar 131 en fyrstu viku ársins í fyrra voru þær 198. Nýskráningar í rafmagnsbílum fyrstu viku ársins voru 64 en á sama tíma í fyrra voru þær 43 að því er fram kemur í tölum frá Bílgreinasambandinu.

Árið 2023 var jákvætt fyrir FÍB sem félag. Aðild að félaginu eiga nú um 20.000 fjölskyldur. Þjónustusvæði hafa stækkað og þjónustuframboð aukist. FÍB hefur sterka rödd í samfélaginu og leitast við að skilja væntingar og þarfir félagsmanna. FÍB býður upp á fjölbreytta þjónustu og tryggir gæði og aukna kosti félagsaðildar á hverjum tíma. Félagið vill stuðla að auknum valkostum og frelsi í samgöngum og tryggja hreyfanleika með hagsýni, umhverfisvitund og öryggi vegfarenda að leiðarljósi.

Nú liggja fyrir heildarnýskráningar fólksbíla fyrir árið 2023 og reyndust þær 5,1% meiri en árið 2022. Nýskráningar voru alls 17.549 árið 2023 en voru 16.690 árið þar á undan að því er fram kemur í tölum frá Bilgreinasambandinu.

Kílómetragjald á rafmagnsbíla, vetnisbíla og tengiltvinnbíla tók gildi 1. janúar og fyrsti gjalddagi er 1. febrúar næstkomandi. Fjármála- og efnahagsráðherra lagði frumvarpið fram í nóvember og var það samþykkt á Alþingi fyrir jólafrí. Þetta kemur fram á heimasíðu skattsins ásamt öðum upplýsingum þessu máli tengdu. Nánari upplýsingar má nálgast hér.

Tæplega tólf hundruð brýr á Íslandi heyra undir Vegagerðina. Þar af eru 654 einbreiðar brýr og 532 tvíbreiðar brýr, eða samtals um 31 kílómetri af brúm. Meðalaldur brúa er 45 ár en þriðjungur þeirra er orðinn meira en 60 ára gamall. Árið 2019 setti Vegagerðin af stað átak í vegriðsmálum þar sem gerð var öryggisúttekt á 900 brúm. Helstu áhættuþættir voru metnir en sérstök áhersla var lögð á að taka út ástand og öryggi vegriða til að meta hvar brýnast væri að skipta út eldri vegriðum fyrir ný og sterkbyggðari vegrið sem uppfylla gildandi öryggisstaðla.