Fréttir

Þróunin í nýskráningum fólksbifreiða hefur verið með svipuðum hætti síðustu mánuðina. Nýskráningar fram að 16. ágúst voru 38,3% færri en á sama tíma í fyrra. Alls eru nýskráningar nú 7.435 en voru 12.057 á sama tíma á síðasta ári. Bifreiðar til ökutækjaleiga erum um 60% en til almennra notkunar 40%.

Heild­ar­kostnaður við nýj­an uppfærðan sam­göngusátt­mála á höfuðborg­ar­svæðinu verður 311 millj­arðar. Mikla­braut fer í göng en ekki stokk og fram­kvæmd­ir við Foss­vogs­brú og þar með borg­ar­línu fara í gang mjög fljót­lega. Sæbraut verði lögð í stokk í stað fyrri áforma um ein mislæg gatnamót. Þetta kom fram á kynn­ing­ar­fundi í dag um upp­færðan sam­göngusátt­mála.

Umfangsmikil könnun á vegum European Alternative Fuels Observatory, EAFO, sem heyrir undir framkvæmdastjórn Evrópusambandsins, sjá nánar hér: https://alternative-fuels-observatory.ec.europa.eu/consumer-portal/consumer-monitor, var kynnt í sumar. Könnunin var framkvæmd í 12 aðildarríkjum Evrópusambandsins og leiðir í ljós að Evrópubúar eru almennt jákvæðir gagnvart því að skipta yfir í rafbíl. Um 19.000 neytendur svöruðu könnuninni sem gerir hana að einni umfangsmestu viðhorfskönnun veraldar um rafbílavæðingu.

Í endurskoðuðum samgöngusáttmála höfuðborgarsvæðisins kemur fram að framkvæmdartíminn verður lengdur um sjö ár. Þetta kom fram í gær þegar endurskoðaður sáttmáli var kynntur þinflokkum stjórnarflokkanna. Þetta hefði það í för með sér að framkvæmdartíminn verði lengdur, hann stæði yfir í 22 ár í stað 15 ára í undirritun sem gerð var 2019.

Nýr holuviðgerðarbíll af tegundinni Archway Roadmaster var nýverið tekinn í notkun hjá Vegagerðinni. Aðeins einn starfsmann þarf til að stjórna bílnum og er holuviðgerðum stjórnað af ökumanni með stýripinna úr ökumannssætinu.

Fjórða kynslóð af hinum vinsæla sportjeppa Porsche Cayenne verður 100% rafknúin. Prófanir á fyrstu frumgerðunum eru þegar vel á veg komnar. Porsche mun þó einnig halda áfram að þróa og bjóða uppá tengiltvinn- og bensínútfærslur af Cayenne.

Skoðanir ökutækja fara fram hjá faggiltum skoðunarstofum á Íslandi. Hugverkastofan hefur með höndum allar tegundir faggildinga, m.a. á skoðunarstofum ökutækja.

Orka náttúrunnar hefur opnað stórglæsilegan Hleðslugarð á Glerártorgi. Þar geta viðskiptavinir Orku náttúrunnar hlaðið á 12 nýjum tengjum með afkastagetu allt að 480 kW á hverju tengi.

Í nýrri úttekt Eyjunnar á DV.is sem m.a. byggir á gögnum frá FÍB er niðurstaðan sú að ríkisstjórn Íslands og Alþingi hafa svikið þjóðina um eðlilega uppbyggingu innviða í áraraðir. Bíleigendur hafa verið skattlagðir langt umfram útgjöld ríkisins til uppbyggingar og viðhalds vegakerfisins. Einungis um þriðjungur skatttekna ríkissjóðs af bílum og umferð hefur runnið til vega á liðnum árum.

Sjö fimm stjörnu bílar en tveir með þrjár stjörnur