Fréttir

Reuters fréttastofan greindi frá því í liðinni viku að Volkswagen hefði boðist til að kaupa allt að 500 þúsund bíla til baka í Bandaríkjunum. Þetta sé tillaga sem VW hafi lagt fram í samningaviðræðum við bandarísk stjórnvöld um lausn útblásturshneykslisins sem bandarískir fjölmiðlar hafa nefnt Dieselgate

Eins og fram kom í fréttum fyrr í vikunni þá neitaði um helmingur dekkjaverkstæða verðlagseftirliti ASÍ um upplýsingar í tengslum við verðkönnun á dekkjaskiptum í byrjun apríl. Á heimasíðu ASÍ segir að vísbendingar séu um að samráð hafi verið að milli aðila um að visa fulltrúum veðlagseftirlitsins frá og neita að upplýsa neytendur um verð á þjónustu sinni.

Salan á Volkswagenbílum í Evrópu – heimamarkaði framleiðandans - dróst saman á fyrstu þremur mánuðum ársins um 0,5% miðað við sama tímabil í fyrra.

FÍB hefur fengið Björn Elíeser Jónsson tölvunarfræðing til að smíða farsímaforrit eða app sem myndar holur í yfirborð vega og gatna og sendir myndina ásamt nákvæmri staðsetningu í tölvupósti til FÍB sem kemur síðan upplýsingunum á framfæri við veghaldara. Appið styrkir stöðu þeirra sem orðið hafa fyrir tjóni að fá tjón sitt bætt.

„Ég er forsjóninni þakklátur fyrir að geta skrifað þennan bloggpistil til að styðja forvarnarstarf, úr því að eina hlið þess ber á góma í fréttum,“ skrifar Ómar Ragnarsson á bloggi sínu. Ómar, sem var á reiðhjóli þegar hann lenti í árekstri við bíl á gangbraut á mótum Miklubrautar og Grensásvegar í liðinni viku, segir að reiðhjólahjálmur hans hafi varið höfuð hans í tvígang í slysinu.

Þýska umferðarstofan hefur eftir rannsóknir sínar undanfarna mánuði komist að þeirri niðurstöðu að Volkswagen sé eini bílaframleiðandinn sem beinlínis setti búnað í dísilfólksbíla til þess að falsa og fegra niðurstöður mengunarmælinga á bílunum.

PSA Group (Peugeot – Citroen) hyggst ná fótfestu á bandaríska bílamarkaðinum. Forstjórinn, Carlos Tavares ætlar að vinna að því samkvæmt tíu ára áætlun. Fyrsta skref hennar er að koma upp bílasamnýtingarfélögum og skyldri samgönguþjónustu í Bandaríkjunum. Gangi það upp yrði næsta skref að hefja almenna sölu bíla. Bílar frá PSA hafa ekki verið í boði í Bandaríkjunum um langt árabil.

Bílatímaritið Auto Express hefur tekið saman lista yfir vinsælustu bílana í Bretlandi síðastliðna hálfa öld – frá 1965 til ársins 2015. Breski bílaiðnaðurinn stóð í nokkrum blóma árið 1965 en það voru blikur á lofti. Almenningur var hvattur til að „versla í heimabyggð“ og fá sér breska bíla frekar en innflutta og hvatningin var –We´re backing Britain (við styðjum Bretland).

Polestar í Gautaborg í Svíþjóð er sú deild Volvo sem uppfærir Volvóbíla og breytir þeim úr venjulegum fólksbílum í keppnisbíla og ofursportbíla, ekki ósvipað AMG hjá Mercedes og Abarth hjá Fiat svo eitthvað sambærilegt sé nefnt. Nú er Polestar að byrja slíka vinnu við Volvo S60 og V60 gerðirnar. Eftir breytingarnar verða þessir virðulegu fjölskyldubílar orðnir að hraðskreiðustu og aflmestu Volvóbílum nokkru sinni.

Hvað er það í umferðarhegðun annarra ökumanna (annarra en manns sjálfs auðvitað!) sem mest reynir á taugarnar? Nú hefur þetta verið kannað í Noregi fyrir bíltæknirisann Continental, og niðurstöðurnar eru allrar athygli verðar.