Fréttir

Starfsmenn Spalar hafa nú greitt viðskiptavinum félagsins liðlega helming þeirra fjármuna sem þeir áttu á áskriftarreikningum sínum (andvirði ónotaðra ferða á veglykli) þegar ríkið tók við rekstri Hvalfjarðarganga 1. október sl. eða um 120 milljónir króna af alls 231 milljón króna, sem var staðan í lok september. Þetta kemur fram í tilkynningu frá Speli.

Viðræðuhópur um samgöngur á höfuðborgarsvæðinu hefur skilað niðurstöðum sínum til ráðherra samgöngu- og sveitarstjórnarmála og Samtaka sveitarfélaga á höfuðborgarsvæðinu. Markmiðið með starfi hópsins var að leggja grunn að samkomulagi um fjármagnaða áætlun um fjárfestingar í stofnvegum og kerfi almenningssamgangna á höfuðborgarsvæðinu eins og fram kemur á vef samgönguráðuneytisins.

Fyrsti rafknúni jepplingurinn er kominn á Evrópumarkað. Um er að ræða borgarsportjeppann Hyundai Kona sem kynntur var hér á landi um síðustu helgi. Kona er fyrsti jepplingurinn sem er í 100% rafdrifinni útgáfu. Kona Electric er með 204 hestafla rafmótor við 64 kWh rafhlöðu sem dregur allt að 482 km samkvæmt mælistaðlinum WLTP og er hægt að hlaða rafhlöðuna í 80% á innan við klukkustund.

Samkvæmt könnun sem unnin var af Euro NCAP telja 70% ökumanna að nú þegar sé hægt að kaupa og aka sjálfakandi bíl. Euro NCAP er sameign bifreiðaeigendafélaganna í Evrópu og áreksturs prófar nýja bíla og metur öryggi þeirra á hlutlægan hátt. Könnunin var gerð til að bera saman mat Euro NCAP á þróun sjálfakandi bíla sem samtökin unnu annars vegar að og hins vegar hvað almenningur heldur um þessa bíla.

Fórnarlamba umferðarslysa á Íslandi var minnst á alþjóðlegum minningardegi við bráðamóttöku Landspítalans í Fossvogi í gær. Þetta var í sjöunda sinn sem minningardagurinn er haldinn hér á landi en hliðstæð athöfn fór fram víða um heim. Sameinuðu þjóðirnar hafa tileinkað þriðja sunnudag í nóvember þessari minningu.

Carlos Ghosn, stjórnaformaður japanska bílaframleiðandans Nissan, var handtekinn í dag í Tokyo í kjölfar fjármálamisferlis. Ghosn hefur legið undir grun í marga mánuði að hafa ekki talið fram til skatts og skotið undan milljörðum króna. Í dag dró til tíðinda þegar dómstóll í Japan fyrirskipaði handtöku hans. Ljóst er að dagar hans hjá Nissan eru taldir.

Heildarfjöldi nýskráðra fólksbíla á þessu ári frá janúar til loka október eru 16.772. Er það um 13,4% fækkun ef borið er saman árið 2017 frá janúar til október og sama tímabil á þessu ári. Ef árið 2018 er borið saman við árið 2016 þá er salan nánast á pari við það ár eða 0,4% samdráttur.

Sunnudaginn 18. nóvember verður þeirra minnst sem látist hafa í umferðarslysum á Íslandi. Efnt verður til þessarar athafnar í sjöunda sinn og er hliðstæð athöfn víða um heim að tilhlutan Sameinuðu þjóðanna sem hafa tileinkað þriðja sunnudag í nóvember þessari minningu. Um það bil 4.000 einstaklingar láta lífið og hundruð þúsunda slasast í umferðinni í heiminum á degi hverjum. Enn fleiri þurfa að takast á við áföll, sorgir og eftirsjá af völdum þessa. Segja má að allir upplifi með einum eða öðrum hætti afleiðingar umferðarslysa. Vart er til sá einstaklingur sem þekkir ekki einhvern sem lent hefur í alvarlegu slysi í umferðinni.

Samkvæmt báðum könnununum Rannsókna og ráðgjöf ferðaþjónustunnar frá 2017-2018 notuðu nær allir bílstjórar og framsætisfarþegar í bílaleigubílum bílbeltin (99%). Hins vegar var talsverður misbrestur á því hjá aftursætisfarþegum þar sem þrír eða fleiri voru í bíl. Þannig voru 82% aftursætisfarþega í könnun meðal ökumanna alltaf í beltum en 18% ekki. Í könnuninni í Leifsstöð voru 86% aftursætisfarþega alltaf í beltum en 14% ekki.

Efnahags- og viðskiptanefnd Alþingis samþykkti á fundi sínum í gær frumvarp um breytingar á lögum um vörugjald af ökutækjum, eldsneyti o.fl. (29/1993), bifreiðagjald (39/1988) og virðisaukaskatt (50/1988) með það að markmiði að koma í veg fyrir að ósamræmi skapist við álagningu skatta og gjalda á ökutæki sem að óbreyttu hefðu komið til framkvæmda þann 1. janúar næstkomandi. Í meðferðum nefndarinnar hafa verið gerðar breytingar á frumvarpinu í kjölfar ábendinga frá Tollstjóra, Bílgreinasambandinu, FÍB o.fl.