Fréttir

Nemendum í10. bekk við Foldaskóla í Grafarvogi stendur til boða valgrein við skólann sem nefnist fornám til ökunáms. Í þessu fagi er farið yfir öryggi og ýmsa þá þætti sem tengjast bílnum.Hjörtur Gunnar Jóhannesson, starfsmaður FÍB aðstoðar, heimsótti Foldaskóla í vikunni og fræddi nemendurna um allt sem snýr að dekkjaskiptum Einnig fór fram kennsla í því hvernig maður tengir startkapla og gefur straum

Í greiningu Samtaka iðnaðarins sem gerð var í tilefni af mótun samgönguáætlunar fyrir höfuðborgarsvæðið árin 2019-2033 kemur fram að samtökin áætla að þjóðhagslegur kostnaður umferðatafa á höfuðborgarsvæðinu árið 2017 hafi verið yfir 15 milljarða króna. Þetta kemur fram í Morgunblaðinu í umfjöllun um málið. Þar segir ennfremur að þar hafi atvinnulífið tapað um sex milljörðum króna vegna tapaðs vinnutíma og almenningur um níu milljörðum vegna tapaðs frítíma.

Upp á síðkastið hefur verið töluverð umræða um viðbótarskattheimtu með vegtollum. Þessi umræða ætlar í raun engan enda að taka en nú vilja sveitarfélögin á höfuðborgarsvæðinu fá leyfi til að innheimta mengunar- og tafagjöld í borginni. Þetta er meðal þess sem kemur fram í tillögum verkefnahóps um samgöngumál á höfuðborgarsvæðinu um uppbyggingu á svæðinu sem kynnt hefur verið.

Greiðsla inneignar, skil veglykla og afsláttarmiða í Hvalfjarðagöngin hefur verið framlengdur til 14. desember. Miklu var skilað í síðustu viku nóvember og síðustu dagana fyrir mánaðarmót var ös á afgreiðslustöðum sem minnti á verslanir á Þorláksmessu. Spölur vill gjarnan sjá fleiri skila og ná þannig í inneignir sínar.

Neytendastofu hefur borist tilkynning frá Hekla hf um innköllun á 1611 Mitsubishi bifreiðum af árgerðunum 2017 til 2018. Um er að ræða tegundirnar ASX, Eclipse (árgerð 2018) , Outlander og Outlander PHEV (árgerðir 2017 - 2018).

Umferðin í nóvember á Hringveginum jókst um rúm níu prósent miðað við sama mánuð fyrir ári síðan. Þetta er heldur meiri umferð en reiknað var með, en nú er útlit fyrir að umferðin á Hringveginum aukist um 4,5 prósent í ár. Þótt dragi úr aukningu umferðar þá er hún eigi að síður talsverð á þessu ári.

Hulunni var svipt af nýjum Kia e-Soul rafbíl á Alþjóðlegu bílasýningunni í Los Angeles í dag. Mikil eftirvænting hefur ríkt eftir annarri kynslóð þessa netta fjölnotabíls frá Kia en forveri hans Kia Soul EV hefur verið mjög vinsæll víða um heim.

Töluverður verðmunur er á hæsta og lægsta verði fyrir bílatryggingar í könnun Félags íslenskra bifreiðaeigenda, FÍB. Leitað var tilboða hjá eftirtöldum tryggingafélögum: Sjóvá, VÍS, TM og Verði. Spurt var um verð í tryggingar á sex mismunandi bílum. Tryggingartakar voru á ýmsum aldri, bæði karlar og konur. Í þessari könnun var aðeins spurt um ökutækjatryggingu án afsláttar sem tengjast tryggingarpökkum.

Neytendastofu hefur borist tilkynning frá Toyota á Íslandi um að innkalla þurfi Toyota Aygo bifreiðar af árgerðunum 2005 til 2014. Um er að ræða 761 bifreiðar. Ástæða innköllunarinnar er sú að möguleiki er fyrir hendi að rúða við afturhlera getur losnað að hluta vegna ófullnægjandi límingar.

Landspítalinn leggur sitt af mörkum við orkuskipti með því að auðvelda starfsfólki aðgang að hleðslum fyrir rafbíla á nokkrum starfsstöðvum sínum. Verkefnið er hluti af umhverfistefnu og loftslagsmarkmiðum Landspítala, en mikilvægt er að hraða orkuskiptum í samgöngum með því að efla innviði s.s. gott net hleðslustöðva. Þetta kemur fram í tilkynningu frá Orku náttúrunnar.