Fréttir

Það er dýrast að taka bílaleigubíl á Íslandi en þar á eftir koma Sviss, Ausurríki og Írland. Í júlí 2021 var 40 prósent dýrara að að taka sér bílaleigubíl en árið áður í Bandaríkjunum, og ekki langt á eftir kom Evrópu. Verð fyrir sumarið 2022 stefnir í að verða enn hærra. Þetta kemur fram í tölum sem breskt ferðamálatímarit tók saman.

Bílaumboðið BL afhenti í síðustu viku þrjú þúsundasta rafbílinn frá því að fyrirtækið hóf sölu rafbíla árið 2013. Bíllinn sem afhentur var er af gerðinni BMW iX Atelier xDrive40, sem er nýjasti fjórhjóladrifni jepplingurinn frá BMW.

Hækk­un á eldsneytis­verði á Íslandi undanfarið virðist vera í bein­um tengsl­um við mikl­ar breyt­ing­ar á heims­markaðsverði á olíu og virðist álagn­ing olíu­fyr­ir­tækj­anna sjálfra ekki hafa hækkað.

Aukin rafbílavæðing samfara orkuskiptum í samgöngum á landi hefur aukið eftirspurn eftir hráefnum sem notuð eru til að framleiða liþíumjónarafhlöður. Liþíum hefur hækkað í verði um 600% á liðnu ári. Fyrir utan liþíum beinist athyglin séstaklega að kostnaði við hráefnin sem notuð eru í bakskautsframleiðslu (katóðu) rafhlaðna.

Bensínverð hefur farið ört hækkandi á síðustu dögum, ekki síst í kjölfar innrásar Rússa í Úkraínu og hækkandi heimsmarkaðsverðs. N1 hefur hækkað verð á bensínlítranum um sex krónur í morgun og er verðið nú komið í 303,90 krónur á flestum stöðvum félagsins á höfuðborgarsvæðinu og annars staðar á landinu. Dísillítrinn kostar nú víðast 300,90 krónur hjá N1 og hefur hækkað um heilar tíu krónur milli daga.

Vegagerðin beinir því til ökumanna að víða á Suður- og Vesturlandi eru holur að myndast í vegum og eru ökumenn beðnir að aka með gát á meðan unnið er að viðhaldi. Lögreglan á höfuðborgarsvæðinu varar við því að víða hafi myndast hættulegar holur á stofn og tengibrautum en að sögn lögreglu hafa tugir bíla skemmst af völdum holanna. Í færslu lögreglunnar er biðlað til ökumanna að fylgjast vel með yfirborði gatna og aka varlega þar sem unnið er að viðgerðum.

Tíðin að undanförnu hefur valdið því að margir bifreiðaeigendur hafa orðið fyrir tjóni á bílum sínum vegna slæms ástands á götum á höfuðborgarsvæðinu og víðar um land. Þetta ástand hefur sérstaklega skapast þegar klakinn bráðnar þá koma holurnar í ljós. Skemmdir verða á bifreiðum með ýmsum hætti og dekk springa. Undirvagnar bílanna er viðkvæmir fyrir viðnámi sem verður þegar þeir fara ofan í djúpar holur.

Borið hefur á mikilli vatnssöfnun á vegum og götum landsins undanfarið. Þetta tengist m.a. rysjóttri tíð, storma- og úrkomusamri veðráttu með frosta- og hlákuköflum á víxl. Snjóruðningar, klaki, rok og rigning. Oft finnur leysingavatnið ekki farveg í fráveitukerfin enda niðurföll víða í klakaböndum. Mikill klaki og þéttur snjór er á mörgum götum og vegum. Að undanförnu hafa vegir verið að koma mjög illa undan vetri og mikið um holur og hvörf í vegakerfinu. Vatn safnast fyrir í holum, hvörfum, álum og í dældum eða við stífluð niðurföll. Bíleigendur þurfa að sýna aðgát og vera við öllu búnir til að draga úr líkum á tjóni.

Ökumenn hafa ekki farið varhlutan að slæmri færð sem hefur verið götum á höfuðborgarsvæðinu að undanförnu. Þungur snjór og mikil klakamyndun hefur myndast sem gerir ökumönnum erfitt að komast leiðar sinnar og á það alveg sérstaklega við í húsagötum. Snjóruðningstæki á vegum borgarinnar hafa vart undan að brjóta klakann og ryðja götur.

Japanska fyrirtækið Panasonic áformar byggingu á stórri rafhlöðuverksmiðju í Bandaríkjunum til framleiðslu á rafhlöðum fyrir bílaframleiðandann Tesla. Panasonic er að leita að landi til kaupa í Oklahoma eða í Kansas nálægt Texas. Fyrirhuguð bygging er talin muni kosta nokkra milljarða dollara.