Fréttir

Í fjárlagafrumvarpi ríkisstjórnar Katrínar Jakobsdóttur er gert ráð fyrir að tekjur ríkissjóðs vegna eldsneytisskatta muni hækka á næsta ári um 2.775 milljónir króna sem er 10,9% tekjuaukning samanborið við fjárlögin fyrir 2017. Þarna er um að ræða vörugjald og sérstakt vörugjald af bensíni og olíugjald af dísilolíu sem eiga að skila 28.240 milljónum króna í tekjur árið 2018.

Í dag, föstudaginn 15. desember, var formlega tekinn í notkun búnaður til útsendinga útvarps í Bolungarvíkurgöngum. Fram til þessa hafa engar útvarpsútsendingar náðst í veggöngum hérlendis, öðrum en Hvalfjarðargöngum og nú hinum nýju Norðfjarðargöngum.

Ólöf Rún Stefánsdóttir rafbílaeigandi hlóð bílinn sinn á Djúpavogi í vikunni þegar tuttugasta hlaða ON var tekin þar í notkun. Hlaðan er hvorttveggja búin hraðhleðslu fyrir rafbíla og hefðbundinni hleðslu. Fyrir jól mun ON bæta við hlöðum sunnan Vatnajökuls og á Egilsstöðum.

Neytendastofu hefur borist tilkynning frá BL um innkallanir á Range Rover og Range Rover Sport árgerð 2017. Um er að ræða 18 bifreiðar. Ástæða innköllunar er sú að skyndilega getur slokknað á mælaborðinu. Þegar þetta gerist koma engar upplýsingar fram í mælaborðinu en það kviknar á því aftur í akstri.

Aukin framlög verða til samgöngumála á næsta ári, samkvæmt fjárlagafrumvarpinu fyrir næsta ár sem fjármálaráðherra kynnti í dag.

Umferðaröryggi á Miklubraut hefur verið töluvert í umræðunni upp á síðkastið. Nú liggur fyrir seinni umferðaröryggisrýni á endurbótum á Miklubraut við Klambratún vegna strætóreinar, göngu- og hjólastíga ásamt breytinga á götu.

Bílasala á hér á landi sem og víðast hvar annars staðar í Evrópu hefur verið góð það sem af er þessu ári. Fyrstu ellefu mánuði ársins voru nýskráningar nýrra fólks- og sendibíla á Íslandi orðnar 22.221 þúsund en í fyrra á sama tíma rúmlega 19 þúsund.

Í auknum mæli hafa verið sett upp ljósaskilti, LED-skilti við fjölfarnar umferðargötur á höfuðborgarsvæðinu og víðar. Skiltin eru sett upp utan veghelgunarsvæðis Vegagerðarinnar sem heimilar ekki slík skilti. Ljósaskiltin geta verið mjög áberandi og þar af leiðandi truflandi því tilgangur þeirra er að fanga athygli vegfarenda. Víða eru skiltin við hraðar umferðargötur og skapa því töluverða hættu.

Breytingar hafa verið gerðar á reglugerð um ökuskírteini. Fyrir þau sem eru að taka bílpróf er ein breyting gerð nú sem getur skipt miklu máli. Nú er frjálst val um það hvort próf sé tekið á sjálfskipta eða beinskipta bifreið. Þetta kemur fram á vef Samgöngustofu.

BMW Group hefur kynnt mikla sókn á bílamarkaðnum. Í ræðu sem Harald Krüger, stjórnarformaður fyrirtækisins hélt á blaðamannafundi í München í byrjun mánaðarins kom m.a. fram að fyrir árslok 2018 verði fyrirtækið búið að kynna fjörutíu nýjar og uppfærðar gerðir BMW og MINI frá og með 1. janúar á þessu ári.