Fréttir

Umboð fyrir bílaframleiðandann MINI verður formlega kynnt sem nýtt merki hjá BL nk. laugardag, 14. október, þegar glæsilegur aldrifinn tengitvinnbíll, MINI Cooper S E Countryman ALL4, verður frumsýndur á bílasýningu BL við Sævarhöfða milli kl. 12 og 16.

Blásið verður til haustfagnaðar hjá viðurkenndum söluaðilum Toyota á morgun, laugardag kl. 12 - 16.Í Kauptúni, Reykjanesbæ, á Akureyri og Selfossi verður takmarkað magn af Land Cruiser 150 Black, Hilux Invincible, RAV4 og Toyota C-HR boðið á sjaldséðu verði.

Félag íslenskra bifreiðareigenda, FÍB, afhenti í gær Setbergsskóla viðurkenninguna Gangbrautin 2017 sem veitt er fyrir vel skilgreindar og vel merktar gangbrautir við skólann.

Miðvikudaginn 11. október kannaði FÍB verð á umfelgun hjá 40 dekkjaverkstæðum á höfuðborgarsvæðinu og víðs vegar á landsbyggðinni á þessu hausti.

Englendingarnir Stuart McBain og Mark Gorecki fóru á dögunum hringin í kringum Ísland á rafbílum en ferðin var haldin í tengslum við ráðstefnuna Charge – Energy Branding sem haldin var hér á landi í annað sinn.

Umferðin á höfuðborgarsvæðinu í september jókst um 7,2 prósent. Það sem af er ári hefur umferðin aukist um 8,4 prósent sem er næst mesta aukning umferðar á þessu tímabili frá því þessar mælingar hófust árið 2005.

Fyrsta skóflustungann var tekin á dögunum að nýju Kia húsi að Krókhálsi 13. Húsið verður rúmlega 3 þúsund fermetrar að stærð á tveimur hæðum og verður byggt við hliðina á núverandi höfuðstöðvum Öskju að Krókhálsi 11. Áætluð verklok við byggingu Kia hússins eru um mitt ár 2018.

12 bílar hafa verið valdir í úrslit í valinu á bíl ársins 2018 en það er Bandalag íslenskra bílablaðamanna (BÍBB) sem sér um valið á Bíl ársins í ellefta skiptið. Alls 30 bílar voru tilnefndir í valinu.

Orka náttúrunnar og N1 opnuðu í dag hlöður með hraðhleðslu fyrir rafbíla við þjónustustöðvar N1 í Vík og á Kirkjubæjarklaustri. ON rekur nú alls 19 hlöður víðs vegar um landið og eru sex af þeim við þjónustustöðvar N1.

Neytendastofu hefur borist tilkynning frá Brimborg um innköllun á Citroén C5 og Peugeot 3000 bifreiðum sem framleiddar frá apríl til júní árið 2016. Ástæða innköllunarinnar er að kanna þarf staðsetningu víra sem tengjast við startara, og lagfæra þá ef þörf krefur. Ef vírarnir eru ekki rétt staðsettir er hætta á að startarinn of hitni.