Fréttir

Hafnarfjörður varð í vikunni eitt af fyrstu sveitarfélögunum landsins til að setja upp hraðhleðslustöð fyrir rafbíla en stöðin er staðsett við verslunarmiðstöðina Fjörð.

Samgöngumál er ein af grunnstoðum þjóðfélagsins og ljóst að þessi málaflokkur mun verða í brennidepli fyrir Alþingiskosningarnar sem haldnar verða 28. október. Í aðdraganda þeirra lagði FÍB spurningar, sem lúta að samgöngum fyrir átta framboð sem bjóða fram í öllum kjördæmum landsins. Flokkarnir brugðust vel við óskum FÍB að taka þátt og kann FÍB flokkunum bestu þakkir fyrir skjót og góð viðbrögð. Svör við spurningunum sem lagaðar voru fyrir flokkana munu birtist á heimasíðu FÍB dagana sem fram undan eru fyrir kjördag. Miðflokkurinn baðst undan þátttöku sökum anna í undirbúningi fyrir kosningarnar.

Nú styttist óðum í að vetur konungur gangi í garð og margur bíleigandinn hefur eflaust þegar komið að bílnum sínum straumlausum eftir frostkalda nótt eða á eftir að gera það. Haustið er nefnilega sá árstími sem best leiðir í ljós veikleika rafgeymisins í bílnum og hvort tími sé kominn til að endurnýja hann. En hvað kostar nýr rafgeymir í algengustu fólksbílana?

Kínverjar ætla ekki að sitja hjá þegar kemur að framleiðslu á rafmagnbílum á næstu árum. Stjórnvöld þar í landi hafa stór markmið uppi til minnka mengun sem er hvergi meiri en á götum Kína.

Framan af árinu bárust fréttir að því að bílasala í Evrópu væri með ágætum og bílaframleiðendur kættust og voru bjartsýnir á framhaldið. Ekki er allt gull sem glóir því í sölutölur fyrir september gefa til kynna að samdrátt sem nemur 2%.

Miklir erfiðleikar steðja að bandaríska rafbílaframleiðandanum Tesla um þessar mundir. Fyrirtækið stendur andspænis miklum töfum við smíði á Model 3 bílnum sem átti heldur betur á slá í gegn. Aðeins hefur tekist að smíða um 270 bíla á síðasta ársfjórðungi þessa árs en í áætlunum átti að framleiða um 1500 bíla.

Bílaumboðið Hekla afhenti um síðustu helgi sexhundraðasta Mitsubishi Outlander PHEV bílinn til nýrra eigenda. Viðtökur Íslendinga við 100 ára afmælistilboði Mitsubishi hafa verið frábærar og langt umfram bjartsýnustu spár. Raunar hefur salan slegið öll met og aukist um mörg hundruð prósent milli ára.

Félag íslenskra bifreiðaeigenda boðar til landsþings laugardaginn 18. nóvember kl. 9.30. Þingið verður haldið í fundarsal við Skúlagötu 19, 101 Reykjavík, aðsetur félagsins er í sama húsi. Landsþing hefur æðsta vald í málefnum FÍB.

Yfirvöld í Kaupmannahöfn hafa um nokkra hríð haft miklar áhyggjur af aukinni loftmengun í borginni. Nú er svo komið að yfirvöldum finnst ástandið vera orðið það alvarlegt að lagt hefur verið til að notkun nýrra dísilbifreiða verði bönnuð frá og með 1. janúar 2019.

Ný könnun á gæðum vetrarhjólbarða er komin á vef FÍB og er aðgengileg félagsmönnum. Könnunin nær til vetrarhjólbarða sem sérstaklega eru gerðir til aksturs í vetrarríki norðlægra slóða. Könnuð eru afköst þeirra í slíkum aðstæðum og vega eiginleikar hjólbarðanna í hálku og snjó, bæði negldra og ónegldra, því þungt í könnuninni. Nánar má lesa um margvíslega getu og eiginleika hjólbarðanna úr töflum í könnun þessari og síðan að velja sér þá tegund og gerð sem best hentar þeim aðstæðum á helsta aksturssvæði viðkomandi ekils.