Fréttir

Þýski bílaframleiðandinn Volkswagen tilkynnti í vikunni að fyrirtækið þyrfti að innkalla yfir 100 þúsund tengiltvinnbifreiðar á heimsvísu vegna eldhættu. Talsmaður Volkswagen segir að umrædd eldhætta sé í bílunum sem tengja hefðbundna brunavél við rafdrif sem hlaðast í gegnum innstunguna vegna ófullnægjandi einangruðrar háspennu í rafhlöðu.

Nýskráningar fólksbifreiða fyrstu þrjá mánuði ársins voru alls 3.218. Sala fyrir sama tímabil 2021 voru 2.089 bifreiðar svo aukningin á milli ára er um 54%. Nýskráningar til almennra notkunar var rúm 67% og til bílaleiga 32%. Nýliðinn mánuður, mars, var nokkuð líflegur í sölu á nýjum bílum en bara í þeim mánuði einum námu nýskráningar alls 1.451 bifreiðum.

Hámarkshraði á Bústaðavegi hefur verið lækkaður úr 60 kílómetra hraða á klukkustund í 50 kílómetra hraða á klukkustund frá Kapellutorgi að Snorrabraut. Þetta þýðir að nú er hámarkshraði alls staðar sá sami á Bústaðavegi.

Hopp í samstarfi við Höld-Bílaleigu Akureyrar bjóða nú upp á að hægt verði að finna 10 rafbíla í Hopp appinu og leigja í skammtímaleigu innan Reykjavíkur. Hopp hefur leigt út skútur undanfarin ár en nú hyggst fyrirtækið bæta við fleiri faratækjum og nú verður boðið upp á rafdeilibíla.

Fréttin hér neðar á síðunni um sólgular vegbætur FÍB var eins og margir vita góðlátlegt aprílgabb. Ágæt viðbrögð voru við fréttinni sem unnin var í samvinnu við Morgunblaðið og K100.

Slitlög á vegum og götum eru víða mjög illa farið eftir erfiðan og snjóþungan vetur. Vítt og breitt um landið eru holur og sumar djúpar og hættulegar. Þetta ástand ógnar öryggi vegfarenda og hefur valdið verulegu tjóni á fjölda ökutækja og er aðför að eignum landsmanna.

FÍB telur tryggingafélögin sleppa ódýrt með 20 milljóna króna sekt fyrir þátttöku samtaka þeirra (SFF) í umræðu um verðlagningu iðgjalda. Með afskiptum sínum af umræðunni voru SFF ekki að gæta eigin hagsmuna, heldur hagsmuna tryggingafélaganna. Því hefði með réttu átt að sekta tryggingafélögin. Í því samhengi skiptir máli að tvö félaganna þrýstu á SFF að réttlæta há iðgjöld bílatrygginga frekar en gera það sjálf.

Með ákvörðun Samkeppniseftirlitsins, sem birt er í dag, er gerð grein fyrir sátt sem eftirlitið hefur gert við Samtök fjármálafyrirtækja (SFF). Í sáttinni viðurkenna SFF brot gegn samkeppnislögum og fyrirmælum sem hvíla á samtökunum á grundvelli eldri ákvörðunar. Hafa SFF fallist á að greiða 20 milljónir kr. í sekt og grípa til aðgerða sem vinna gegn því að brot endurtaki sig af því er fram kemur í tilkynningu frá Samkeppniseftirlitinu.

Ökumaður sem var á ferð við Ánanust út í Granda seinni partinn á laugardag varð fyrir því óláni að keyra ofan í holu með þeim afleiðingum að einn hjólbarðinn undir bílnum sprakk. Tíðin á síðustu vikum hefur valdið því að margir bifreiðaeigendur hafa orðið fyrir tjóni á bílum sínum vegna slæms ástands á götum á höfuðborgarsvæðinu og víðar um land. Veghaldarara hafa því haft í nógu að snúast í lagfæringum og sér ekki enn fyrir endann í þeim efnum.

Unnið er að því að opna veginn yfir Öxi. Mikill og þykkur ís liggur yfir veginum og nokkurn tíma mun taka að losa hann af. Stefnt er að því að opna fyrir umferð föstudaginn 25. mars en vegfarendur þurfa að fara varlega vegna klaka sem enn er á veginum af því er fram kemur hjá Vegagerðinni.