Fréttir

Landsréttur hefur staðfest niðurstöðu Héraðsdóms Reykjavíkur þess efnis að Bílabúð Benna þurfi að greiða Ólöfu Finnsdóttur, fyrrverandi framkvæmdastjóra Dómstólasýslunnar, fjórtán milljónir vegna gallaðs Porsche-jeppa.

FÍB hefur unnið töluleg gögn um daglegt bensínverð á heimsmarkaði og útsöluverð hér á landi árin 2020 og 2021. Tölurnar eru teknar saman sem meðaltöl fyrir hvern mánuð á þessu tveggja ára tímabili. Til samanburðar eru skattar á hvern lítra sundurliðað miðað við útsöluverðið hjá Costco annars vegar og hins vegar þar sem það er dýrast á þjónustustöðvum hjá N1 og Olís. Bensíngjöldin og kolefnisgjaldið er föst krónutala á hvern lítra og síðan leggst virðisaukaskattur ofan á kostnaðarverð með sköttum og álagningu. Það sem skýrir mismun af skattinum á hvern lítra hjá Costco og N1/Olís er virðisaukaskatturinn.

Sjóvá rifti samningi við FÍB-aðstoð aðeins nokkrum vikum eftir að FÍB gagnrýndi tryggingafélagið fyrir milljarða króna greiðslur til hluthafa. FÍB-aðstoð hefur annast Vegaaðstoð Sjóvár síðan 2007 og engan skugga borið á þau viðskipti. Engar skýringar fylgdu fyrirvaralausri uppsögninni af því fram kemur í fréttatilkynningu frá FÍB.

Í nýrri verðkönnum Verðlagseftirlits ASÍ kemur fram að mikill munur getur verið á verði á tryggingum og eru neytendur hvattir til að fá tilboð frá ólíkum félögum. Könnunin sýnir að verðlagning tryggingafélaganna er misjöfn eftir tryggingategundum og að minni munur sé á tilboðum tryggingafélaganna ef þau innihalda margar ólíkar tryggingar.

Nýskráningar bíla í Evrópu lækkaði um 1,5% árið 2021. Skortur á hálfleiðurum á heimsvísu og önnur birgðakeðjuvandamál hafa dregið úr afhendingu bíla á heimsvísu, þar sem margir bílaframleiðendur sitja á hálfkláruðum vörum og geta ekki mætt eftirspurn.

Niðurskurður innan bresku lögreglunnar á síðustu árum hefur orðið til þess að öryggi á vegum úti er minna en áður. Samtök bresku lögreglusamtakanna hafa mótmælt harðlega fækkun umferðarlögreglumanna á breskum vegum. Dauðaslysum í Bretlandi fjölgaði á árunum 2012-2019 en fækkaði nokkuð síðan sem rekja má að hluta til lokunaraðgerða sem gerðar voru til að bregðast við COVID-19 heimsfaraldrinum.

Nýskráningar fólksbifreiða fer ágætlega af stað á nýju ári. Á fyrstu tveimur vikum þess árs eru nýskráningar alls 414 en voru á sama tímabili 2021 285. Er þarna um að ræða um 45,3% aukningu samkvæmt tölum frá Bílagreinasambandinu.

Sigurður Ingi Jóhannsson, innviðaráðherra, hefur ákveðið að skipa starfshóp til að kortleggja stöðu smáfarartækja í umferðinni og vinna tillögur að úrbótum, m.a. til að tryggja umferðaröryggi og bæta innviði fyrir nýjan ferðamáta. Starfshópurinn skal skila af sér tillögum fyrir 1. júní nk. Af því fram kemur í tilkynningu frá ráðuneytinu.

Á fundi í borgarráði 6. janúar sl. var samþykkt að vísa tillögu borgarstjóra um hröð orkuskipti til umsagnar umhverfis- og heilbrigðisráðs og stýrihóps um mótun almennrar eigendastefnu Reykjavíkurborgar. Tillögunni fylgdi skýrsla starfshóps um hröð orkuskipti í Reykjavík. Í skýrslunni eru lagðar fram alls 35 tillögur að aðgerðum til að hraða orkuskiptum í borginni.

Vegagerðin og Seltjarnarnesbær hafa unnið saman að framkvæmdum vegna umferðarljósa við gatnamót Nesvegar og Suðurstrandar. Umferðarljós sem stýra umferð um gatnamót Suðurstrandar og Nesvegar voru nýlega uppfærð í því skyni að auka umferðaröryggi, ekki síst fyrir gangandi og hjólandi vegfarendur sem þvera gatnamótin.