Fréttir

Runólfur Ólafsson, framkvæmdastjóri Félags íslenskra bifreiðaeigenda, FÍB, segir það heyra til algjöra undantekninga að fólk fái aksturspeninga upp á margar milljónir á ári. Þetta kom fram í Morgunútvarpi á Rás 2 í morgun þar sem rætt var m.a.um útreikninga á aksturskostnaði og ástæður þess að þingmenn geti fengið meira endurgreitt fyrir ferðakostnað en þeirra leggja út.

Reksturskostnaður bifreiða 2018 er kominn út. Kostnaður við rekstur og eign fólksbifreiðar miðast við eitt ár. Við útreikningana er stuðst við þrjá verðflokka nýrra bifreiða, sem annars vegar er ekið 15.000 km og hins vegar 30.000 km á ári.

Morgunútvarpið á Rás 2 fékk Félag íslenskra bifreiðaeigenda, FÍB, til að reikna hvað það kostaði að reka bíl sömu tegundar sem Ásmundur Friðriksson, alþingismaður, á í eitt ár. Samkvæmt útreikningi FÍB þá kostar það rúmar tvær milljónir á ári að reka Kia Sportage þingmannsins miðað við notkun hans á bílnum í fyrra. Við þann útreikning er miðað við áætlað endursöluverð (3.8 m.kr.) sambærilegs bíls á markaði í dag. Ásmundur fékk í fyrra 4,6 milljónir króna í aksturskostnað endurgreiddan frá Alþingi.

Tuttugasta og sjöunda hlaða Orku náttúrunnar fyrir rafbílaeigendur er komin í gagnið. Gunnar Þorgeirsson oddviti Grímsnes- og Grafningshrepps hlóð fyrsta rafbílinn í nýrri hlöðu við Minni-Borg nú í vikunni. Smáforrit ON – ON Hleðsla – hefur verið uppfært og þjónar rafbílaeigendum nú enn betur en áður.

Mikill uppgangur hefur verið hjá Volvo sænska bílaframleiðandanum hin síðustu ár. Fyrirtækið er að koma inn á markaðinn með athyglisverða bíla sem vakið hafa áhuga og hefur sala á bílum verið einstaklega góð. Uppgjör fyrirtækisins fyrir síðasta ár sýna glæsilega útkomu en hagnaðurinn nam yfir 180 milljörðum króna og hefur hann aldrei verið meiri.

Þrátt fyrir erfiðleika í rekstri ætlar bandaríski rafmagnsbílaframleiðandinn Tesla ekkert að gefa eftir í rekstrinum og hyggst framleiða 2500 bíla af gerðinni Model 3 í viku hverri. Þegar líður tekur á árið er stefnt að því að framleiða 5000 bíla í viku.

Þrjár milljónir Nissan Qashqai bifreiðar hafa verið framleiddar í verksmiðju fyrirtækisins í Sunderland á Bretlandseyjum. Þessum merka áfanga náði bílaverksmiðjan skömmu fyrir áramót en þessi sportjeppi hefur verið á markaði í Evrópu í tíu ár. Þessi bíll kom fyrst á markað 2007 og hefur síðan verið afar vinsæll og unnið til fjölda verlauna.

Umferðin á höfuðborgarsvæðinu fyrsta mánuð ársins 2018 jókst um 4,6 prósent frá sama mánuði fyrir ári síðan. Þetta er minni aukning en þá. Spálíkan umferðardeildar Vegagerðarinnar gerir ráð fyrir því að miðað við það verði mun minni aukning í umferðinni í ár en í fyrra eða 3-4 prósent. Það er í takt við hagvaxtarspár en mikil fylgni er á milli umferðar á svæðinu og hagvaxtarins eftir því sem fram kemur úr tölum frá Vegagerðinni.

Framfarir í öryggis- og tæknimálum fleygir fram með ýmsum hætti og eru flutningsmál þar engin undantekning. Það nýjasta á því sviði lýtur að vöruflutningabílum og kallast fyrirbærið ,,hópun“ (e. Platooning). Hópun felur í sér mikil samskipti milli flutningsbílanna þar sem notaðar eru myndavélar og radar til að tengja saman tvo eða fleiri flutningabíla í eins konar flutningalest eða hóp.

Borgarstjórn Reykjavíkur samþykkti samhljóða á fundi sínum í gær að vísa tillögu borgarfulltrúa Sjálfstæðisflokksins um að hefja undirbúning að gerð neðanjarðarstokks á Miklubraut til borgarráðs. Borgarstjóra er falið að leita þegar í stað eftir samstarfi við ríkið og verði meðal annars skoðað hvort hagkvæmt sé að vinna verkið í einkaframkvæmd. Þetta kemur fram á mbl.is.