Fréttir

Orka náttúrunnar (ON) hefur reist hlöðu með hraðhleðslu fyrir rafbíla í Þorlákshöfn. Gunnsteinn R. Ómarsson bæjarstjóri í Ölfusi tók hana formlega í vikunni og hlóð rafbíl sem sveitarfélagið nýtir í þágu félagsþjónustunnar. Hlöður ON með hraðhleðslum eru orðnar 28 talsins og verður allur hringvegurinn opinn fyrir páska.

Það hefur ekki farið framhjá ökumönnum að ástand gatna á höfuðborgarsvæðinu og raunar víða um land er mjög slæmt. Á þessum árstíma kemur í ljós hversu alvarlegt ástandið er og víða er ekki brugðist við skemmdum vegum og holum í tæka tíð. Fyrir vikið verða bifreiðaeigendur fyrir miklum óþægindum og í mörgum tilfellum hafa bílar orðið fyrir tjónum sem ekki fást bætt. Í langflestum atvika hafa dekk skemmst og undirvagnar bifreiða orðið fyrir tjóni.

Volvo XC40 var valinn bíll ársins í Evrópu á bílasýningunni sem nú stendur yfir í Genf í Sviss. Þetta er mikil viðurkenning fyrir framleiðenda bílsins en þetta er jafnframt í í fyrsta skipti sem Volvo áskotnast þessa viðurkenningu. Það voru 60 bílablaðamenn frá 23 Evrópulöndum sem komu að þessu kjöri sem hefur farið fram frá árinu 1994.

Nýskráning fólksbíla dróst saman um 184 bíla í febrúar í samanburði við sama mánuð á síðasta ári og nemur lækkunin um 13,7%. Janúar gaf góð fyrirheit enda stór mánuður en nýskráningar frá áramótum eru 2782 fólksbílar samkvæmt tölum frá Bílgreinasambandinu.

Hagstofan hefur birt vísitölu neysluverðs miðuð við verðlag í febrúar 2018 og er hún 449,5 stig sem er hækkun um 0,60% frá fyrra mánuði og 2,3% hækkun síðustu 12 mánuði. Rekstur bifreiða er veigamikill þáttur í vísitölu neysluverðs.

Neytendastofu hefur borist tilkynning frá Nissan varðandi tæringu í grindum Pathfinder bifreiða.Komið hafa upp tilfelli þar sem um er að ræða óeðlilega tæringu í grindum eldri bifreiða svipað og með Nissan Navara en ekki í eins miklum mæli.

Umferðin í nýliðnum febrúar á Hringveginum dróst saman um 2,6 prósent sé tekið mið af sama mánuði fyrir ári síðan. Samdráttinn má líklega rekja til tíðarfarsins sem var óvenju erfitt í mánuðinum. Mest dróst umferðin saman á Vesturlandi eða um rúm sjö prósent.

Í nótt voru fjölfarnar götur rykbundnar til að bæta loftgæði í borginni. Magnesíum klóríði sem reynst hefur vel til rykbindingar var úðað á stofnbrautir í Reykjavík og fleiri fjölfarnar götur eins og Bústaðaveg, Suðurlandsbraut og Grensásveg.

Eins og borgarbúar hafa orðið varir við hefur verið stillt og þurrt veður í borginni í dag og mælist styrkur svifryks og köfnunarefnisdíoxíðs hár auk þess sem há gildi koma fram í mælingum á styrk brennisteinsvetnis. Svipuðu veðri er spáð næstu daga svo gera má ráð fyrir slæmum loftgæðum. Undir kringumstæðum sem þessum er brýnt að þeir sem eru viðkvæmir í öndunarfærunum forðist útivist í nágrenni stórra umferðaæða næstu daga.

Borið hefur á því hér á landi að skráning bifreiða gefi til kynna að þær séu yngri en þær eru í raun og veru.Runólfur Ólafsson, framkvæmdastjóri Félags íslenskra bifreiðaeigenda, FÍB, sagði í samtali við Morgunblaðið að það skipti auðvitað máli hvort menn sé að kaupa bíl frá 2008 eða 2010. Morgunblaðið segir frá því að nýverið hafi einstaklingur rekist á Kía-bifreið sem skráð væri 201o en við nánari athugun hafi komið í ljós að framleiðsluár hennar hafi verið 2008.